Песен: 7 Создан:
06.05.2015 Обновлен:
06.05.2015
| 30 Мая | 2024 года |
Навигация
- Айран тёгюлсе, джугъусу къалыр.
- Ашда – бёрю, ишде – ёлю.
- Ишлегенден, къарагъан уста.
- Атлыны кёрсе, джаяуну буту талыр.
- Нёгер болсанг, тенг бол, тенг болмасанг, кенг бол.
- Гитче джилтин уллу элни джандырыр.
- Кийимни бир кюнню аясанг, минг кюннге джарар.
- Ач бёрюге мекям джокъ.
- Аманны тукъумуна къарама, игини тукъумун сорма.
- Аман адам этегингден тутса, кес да къач.
- Тёрде – темир таякълы, къаяда – чыпчыкъ аякълы.
- Башда акъыл болмаса, эки аякъгъа кюч джетер.
- Къарт бла баш аша, джаш бла аякъ аша.
- Эл ауузу – элек, анга ийнаннган – халек.
- Къонакъ кёб келюучю юйню, къазаны отдан тюшмез.
- От кюйдюрген, сау болса да, тот кюйдюрген, сау болмаз.
- Сакъламагъан затынга джолукъсанг, не бек къууанаса, не бек ачыйса.
- Сагъышы джокъ – джукъучу, акъылы джокъ – къаугъачы.
- Ишленмеклик адамлыкъды.
- Мураты болгъанны джюрек тебюую башхады.
- Тойчу джашха къарама, къойчу джашха къара.
- Кёбге таш атма.
- Къыйынлы джети элни къайгъысын этер.
- Акъыл неден да кючлюдю.
- Суу кетер, таш къалыр.
- Джарлыны эшигин махтагъан джабар.
- Джырчы ёлсе, джыры къалыр.
- Бюгюн дуния кибик, тамбла ахыратды.
- Тас болгъан бычакъны сабы – алтын.
- Тиширыусуз юй – отсуз от джагъа.
- Ишленмеген джаш – джюгенсиз ат, ишленмеген къыз – тузсуз хант.
- Билмегенинги, билгеннге сор.
- Айраннга суу къош, телиге джол бош.
- Адам боллукъ, атламындан белгили болур.
- Окъуу – билимни ачхычы, окъуу – дунияны бачхычы.
- Ичимден чыкъды хата, къайры барайым сата?
- Татлы тилде – сёз ариу, чемер къолда – иш ариу.
- Адам сёзге тынгыла, акъыл сёзню ангыла.
- Джолда аягъынга сакъ бол, ушакъда тилинге сакъ бол.
- Биреуге аманлыкъ этиб, кесинге игилик табмазса.
- Къобан да къуру да къобханлай турмайды, адам да къуру да патчахлай турмайды.
- Джангыз терек къынгыр ёсер.
- Болджал ишни бёрю ашар.
- Тенгни тенглиги джашай барсанг билинир.
- Биреу ашаб къутулур, биреу джалаб тутулур.
- Эшекни не къадар тюйсенг да, ат болмаз.
- Тил – миллетни джаны.
- Къумурсхала джыйылсала, пилни да джыгъадыла.
- Ашхы – джыяр, аман – джояр.
- Джолунга кёре – джюрюшюнг, джагъанга кёре – юлюшюнг.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
