Песен: 12 Создан:
06.05.2015 Обновлен:
29.01.2018
| 31 Мая | 2024 года |
Навигация
- Джыгъылгъанны сырты джерден тоймаз.
- Чомарт къонакъ юй иесин сыйлар.
- Эм ашхы къайын ана мамукъ бла башынгы тешер.
- Садакъачыны джаны – къапчыгъында.
- Ауругъанны сау билмез, ач къарынны токъ билмез.
- Эркиши – от, тиширыу – суу.
- Малны кют, джерни тюрт.
- Ашлыкъны арба юйге келтирир, чана базаргъа элтир.
- Аджал соруб келмез, келсе, къайтыб кетмез.
- Къулакъдан эсе, кёзге ышан.
- Къолу уллу – асыу, аягъы уллу – джарсыу.
- Ойнай-ойнай кёз чыгъар.
- Ким бла джюрюсенг, аны кёзю бла кёрюнюрсе.
- Бёрю да ач къалмасын, эчки да ашалмасын.
- Кёб джашагъан – кёб билир.
- Сютню башын джалагъан къутулур, тюбюн ичген тутулур.
- Кёб къычыргъандан – къоркъма, тынч олтургъандан – къоркъ.
- Ёпкелегенни ашы татлы болады.
- Тойчу джашха къарама, къойчу джашха къара.
- Баланы адам этген анады.
- Къонакъны къачан кетерин сорма, къачан келлигин сор.
- Джырына кёре эжиую.
- Ариу – кёзге, акъыл – джюрекге.
- Аман къатын сабий табса, бий болур…
- Акъыл къартда, джашда тюйюлдю – башдады.
- Таякъ этден ётер, тил сюекден ётер.
- Накъырданы арты керти болур.
- Ёлген эшек бёрюден къоркъмайды.
- Джети тилни билген джети кишиди.
- Къарнынг тойгъунчу аша да, белинг талгъынчы ишле.
- Къарт болгъан джерде, берекет болур, сабий болгъан джерде, оюн болур.
- Намысы болмагъанны, сыйы болмаз.
- Джыланны къуйругъундан басарынг келсе, аны башы болгъанын унутма.
- Тай асырагъан, атха минер.
- Аман адам элни бир-бирине джау этер.
- Къарны аманнга къазан такъдырма, къолу аманнга от джакъдырма.
- Къобан да къуру да къобханлай турмайды, адам да къуру да патчахлай турмайды.
- Иги – алгъыш этер, аман – къаргъыш этер.
- Джашда акъыл джокъ, къартда къарыу джокъ.
- Тас болгъан бычакъны сабы – алтын.
- Тилсиз миллет джокъ болур.
- Кёзюнде тереги болгъан, чёбю болгъаннга кюле эди.
- Илму – джашауну джолу.
- Эркишини аманы тиширыуну джылатыр.
- Байлыкъ адамны сокъур этер.
- Тешик этген тынчды, аны джамагъан къыйынды.
- Эртде тургъан бла эртде юйленнген сокъуранмаз.
- Кёбге таш атма.
- Къонагъынгы артмагъын алма да, алгъышын ал.
- Билмегенинги, билгеннге сор.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
