Аудио :: Аудио:: Шунгаров Хорлам

Нафысынгы айтханын этме, намысынгы айтханын эт.
Эки элинги тыйсанг, джети элде махталырса.
Чомартха Тейри да борчлуду.
Айран тёгюлсе, джугъусу къалыр.
Борчунг бар эсе, хурджунунга ойлаб узал.
Кёбге таш атма.
Иги бла джюрюсенг, джетерсе муратынга, аман бла джюрюсенг, къалырса уятха.
Битмегеннге сакъал – танг.
Шапа кёб болса, аш татымсыз болур.
Суу да къайтады чыкъгъан джерине.
Айтылгъан сёз ызына къайтмаз.
Чомарт джарлы болмаз.
Къууут – джелге, берне – бошха.
Окъдан джара эртде-кеч болса да бителир, сёз джара, ёмюрге къалыр.
Джаралыны джастыгъында сау ёлюр.
Адебсиз адам – джюгенсиз ат.
Уллу сёзде уят джокъ.
Керек ташны ауурлугъу джокъ.
Башынга джетмегенни сорма.
Джарлы эскисин джамаса, къууаныр.
Къулакъдан эсе, кёзге ышан.
Сёлеш деб шай берген, тохта деб, сом берген.
Джарлыны тону джаз битер.
Джарлы тюеге минсе да, ит къабар.
Къолунгдан къуймакъ ашатсанг да, атаны борчундан къутулмазса.
Окъугъанны бети джарыкъ.
Этим кетсе да, сюегим къалыр.
Тёрени джагъы джокъ.
Арпа, будай – ащды, алтын, кюмюш а – ташды.
Ашхы болсанг, атынг чыгъар, аман болсанг, джанынг чыгъар.
Къая джолда джортма, ачыкъ сёзден къоркъма.
Гитче джилтин уллу элни джандырыр.
Ашын ашагъанынгы, башын да сыйла.
Айтхан сёзюне табылгъан.
Тенгни тенглиги джашай барсанг билинир.
Акъыллы – эл иеси, тели – эл баласы.
Кийиминг бла танылма, адамлыкъ бла таныл.
Ачыу алгъа келсе, акъыл артха къалады.
Айранны сюйген, ийнек тутар.
Ашха уста, юйюнде болсун
Огъурлуну сёзю – суу, огъурсузну сёзю – уу.
Джолунга кёре – джюрюшюнг, джагъанга кёре – юлюшюнг.
Дуния малгъа сатылма, кесингден телиге къатылма.
Джырына кёре эжиую.
Ашыкъгъан cуу, тенгизге джетмез.
Аш хазыр болса, иш харам болур.
Ургъан суудан башынгы сакъла.
Тойгъа алгъа да барма, тойда артха да къалма.
Атадан ёксюз – бир ёксюз, анадан ёксюз – эки ёксюз.
Чакъырылмагъан къонакъ къачан кетерин сормаз.

Логин:	Регистрация

Пароль:	Забыли пароль?

Запомнить меня

Аудио

Шунгаров Хорлам

Скачать

Адрес