Аудио :: Аудио:: Байкулов Солтан

Чыкълы кюнде чыкъмагъан, чыкъса къуру кирмеген.
Джангыз терек къынгыр ёсер.
Къарын къуру болса, джюрек уру болур.
Джарлы джети элни сёзюн этер.
Телиге от эт десенг, юйюнге от салыр.
Накъырданы арты керти болур.
Ойнай билмеген, оюн бузар.
Джырчы ёлсе, джыры къалыр.
Ойнаб айтсанг да, эслеб айт.
Кирсизни – саны таза, халалны – къаны таза.
Хунаны тюбюн къазсанг, юсюнге ауар.
Джетген къыз джерли эшекни танымаз.
Джол бла сёзню къыйыры джокъ.
Болджал ишни бёрю ашар.
Джерни букъусу кёкге къонмаз.
Ойнай билмеген, уруб къачар.
Иесиз малны бёрю ашар.
Айырылгъанланы айю ашар, бёлюннгенлени бёрю ашар.
Таякъ этден ётер, тил сюекден ётер.
Керилген да, ургъан кибикди.
Тулпарлыкъ, билекден тюл – джюрекден.
Аманны тукъумуна къарама, игини тукъумун сорма.
Джарлыны эшигин махтагъан джабар.
Намысы джокъну – дуниясы джокъ.
Соргъан айыб тюлдю, билмеген айыбды.
Джеринден айырылгъан – джети джылар, джуртундан айырылгъан – ёлгюнчю джылар.
Дууулдаса – бал чибин, къонса – къара чибин.
Чакъырылмагъан къонакъ – орунсуз.
Байлыкъ келсе, акъыл кетер.
Мадар болса, къадар болур.
Келгинчи, къонакъ уялыр, келгенден сора, къонакъбай уялыр.
Джети тилни билген джети кишиди.
Ургъан суудан башынгы сакъла.
Эм ашхы къайын ана мамукъ бла башынгы тешер.
Акъыллы – эл иеси, тели – эл баласы.
Джахил болса анасы, не билликди баласы?
Бет бетге къараса, бет да джерге къарар.
Таугъа чыгъаллыкъ эсенг, тюзде къалма.
Адамны бетине къарама, адетине къара.
Аз сёлешген, къайгъысыз турур.
Акъылсызны джууукъгъа алма, акъыллыны кенгнге салма.
Ауурну тюбю бла, дженгилни башы бла джюрюген.
Тели турса – той бузар.
Къуллукъчума, деб махтанма, къуллукъ – хаух джамчыды!
Ашхы атаны – джашы ашхы, ашхы ананы – къызы ашхы.
Къралынгы – душмандан, башынгы от бла суудан сакъла.
Ёксюзню тилеги къабыл болур.
Иги адамны бир сёзю эки болмаз.
Чакъырылмагъан джерге барма, чакъырылгъан джерден къалма.
Ойнай-ойнай кёз чыгъар.

Логин:	Регистрация

Пароль:	Забыли пароль?

Запомнить меня

Аудио

Байкулов Солтан

Скачать

Адрес