Аудио :: Аудио:: Сказки

Тамырсыз терекге таянма – джыгъылырса.
Сёлеш деб шай берген, тохта деб, сом берген.
Чакъырылмагъан къонакъ – орунсуз.
Арпа, будай – ащды, алтын, кюмюш а – ташды.
Иги адамны бир сёзю эки болмаз.
Магъанасыз сёз – тауушсуз сыбызгъы.
Къыз келсе, джумуш эте келеди, къатын келсе, ушакъ эте келеди.
Эринчекни эр алмаз, эр алса да, кёл салмаз, кёл салса да, кёб бармаз!
Ата – билек, ана – джюрек!
Акъыллы айтыр эди, акъылсыз къоймайды.
Юйлю уругъа ит чабмаз.
Джюз элде джюз ёгюзюм болгъандан эсе, джюз джууугъум болсун.
Тойгъан джерге джети къайт.
Джукъу тёшек сайламайды.
Къобан да къуру да къобханлай турмайды, адам да къуру да патчахлай турмайды.
Ачыу алгъа келсе, акъыл артха къалады.
Иши джокъну, сыйы джокъ.
Иги джашны ышаны – аз сёлешиб, кёб тынгылар.
Игилик игилик бла сингдирилиучю затды.
Дженгил джетерикме деб, узун джолну къоюб, къысхасын барма.
Аз сёлеш, кёб ишле.
Джарлы джети элни сёзюн этер.
Аман адамны тепсинге олтуртсанг, къызынгы тилер.
Нёгерсизни джолу узун.
Къайгъы тюбю – тенгиз.
Ачлыкъда тары гырджын халыуадан татлы.
Тойгъа барсанг, тоюб бар, эски тонунгу къоюб бар.
Элге къуллукъ этмеген, элге ие болмаз.
Таш ата билмеген, башына урур.
Дуния мал дунияда къалады.
Ашыкъгъанны этеги бутуна чырмалыр.
Тюзлюк шохлукъну бегитир.
Кийим тукъум сордурур.
Кюн кёрмеген, кюн кёрсе, кюндюз чыракъ джандырыр.
Экеу тутушса, биреу джыгъылыр.
Къонакъ аз олтурур, кёб сынар.
Таула не мийик болсала да, аууш табылыр.
Ата Джуртун танымагъан, атасын да танымаз.
Сескекли кесин билдирир.
Ким бла джюрюсенг, аны кёзю бла кёрюнюрсе.
Эли джокъну – кёлю джокъ.
Таш бла ургъанны, аш бла ур.
Ач уят къоймаз.
Айран ичген – къутулду, джугъусун джалагъан – тутулду.
Аш иеси бла татлыды.
Ауругъаннга – кийик саулукъ, джетген къызгъа – чилле джаулукъ.
Таукелге нюр джауар.
Аллахха ийнаннган кишини, Аллах онгдурур ишин.
Ишни аллы бла къууанма да, арты бла къууан.
Тил – кесген бычакъ, сёз – атылгъан окъ.

Логин:	Регистрация

Пароль:	Забыли пароль?

Запомнить меня

Аудио

Сказки

Скачать

Адрес