Аудио :: Аудио:: Джаммаев Борис

Ач къарынны, токъ билмез
Юйлю уругъа ит чабмаз.
Келинни – келгинчи, бёркню кийгинчи кёр.
Сёлеш деб шай берген, тохта деб, сом берген.
Асхат ашлыкъ сата, юйдегиси ачдан къата.
Ана кёлю – балада, бала кёлю – талада.
Биреу къой излей, биреу той излей.
Джарлыны тону джаз битер.
Ач къарным, тынч къулагъым.
Суу ичген шауданынга тюкюрме.
Иги бла джюрюсенг, джетерсе муратынга, аман бла джюрюсенг, къалырса уятха.
Эл элде бирер малынг болгъандан эсе, бирер тенгинг болсун.
Ашхы тенг джолгъа салыр, аман тенг джолдан тайдырыр.
Сабий болмагъан джерде, мёлек болмаз.
Джуртун къоругъан озар.
Къайгъы тюбю – тенгиз.
Къарт айтханны этмеген, къартаймаз.
Сёз къанатсыз учар.
Ханы къызы буюгъа-буюгъа киштик болду.
Тойгъан антын унутур.
Эри аманны, къатыны – аман.
Къайгъыны сюйген, къайгъы табар.
Чыбыкълыкъда бюгюлмеген, къазыкълыкъда бюгюлмей эди.
Аман хансны – урлугъу кёб.
Къазанчы аман болса, къазаны къайнамаз.
Эринчекни эр алмаз, эр алса да, кёл салмаз, кёл салса да, кёб бармаз!
Чомарт джарлы болмаз.
Эркишини аманы тиширыуну джылатыр.
Намысы болмагъанны, сыйы болмаз.
Ёзденликни джайгъан – джокълукъ.
Ёнгкюч къууана барыр, джылай келир.
Къуру гыбыт бек дыгъырдар.
Тенги кёбню джау алмаз, акъылы кёбню дау алмаз.
Тил – миллетни джаны.
Тили узунну, намысы – къысха.
Ёксюзню тилеги къабыл болур.
Игиге айтсанг – билир, аманнга айтсанг – кюлюр.
Уллу айтханны этмеген – уллаймаз.
Рысхы – сют юсюнде кёмюк кибикди.
Къарт бла баш аша, джаш бла аякъ аша.
Элни кючю – эмеген.
Бастасын ашагъан, хантусун да ичер.
Бек ашыкъгъан меннге джетсин, дегенди аракъы.
Терек ауса, отунчу – кёб.
Мени джылытмагъан кюн, меннге тиймесин!
От кюйдюрген, сау болса да, тот кюйдюрген, сау болмаз.
Къонагъы джокъну – шоху джокъ.
Иесиз малны бёрю ашар.
Ишлемеген – тишлемез.
Къайтырыкъ эшигинги, къаты уруб чыкъма.

Логин:	Регистрация

Пароль:	Забыли пароль?

Запомнить меня

Аудио

Джаммаев Борис

Скачать

Адрес