Аудио :: Аудио:: Созаруков Дахир

Игиге айтсанг – билир, аманнга айтсанг – кюлюр.
Кийим тукъум сордурур.
Иги сеники эсе да, сюйген кесимикин этеме.
Адамны адамлыгъы къыйынлыкъда айгъакъланады.
Ауругъаннга – кийик саулукъ, джетген къызгъа – чилле джаулукъ.
Накъырда – кертини келечиси.
Бек анасы джыламаз.
Чомарт джарлы болмаз.
Джол бла сёзню къыйыры джокъ.
Аджал соруб келмез, келсе, къайтыб кетмез.
Аш хазыр болса, иш харам болур.
Сормай – алма, чакъырылмай – барма.
От этилмеген джерден тютюн чыкъмайды.
Соргъан айыб тюлдю, билмеген айыбды.
Эл ауузу – элек, анга ийнаннган – халек.
Суу да къайтады чыкъгъан джерине.
Ашхы сёз таш тешер.
Эшекге миннген – биринчи айыб, андан джыгъылгъан – экинчи айыб.
Чомартха Тейри да борчлуду.
Сибиртки да сыйлы болду, кюрек да кюнлю болду.
Хансыз джомакъ болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Биреуню къыйынлыгъы бла кесинге джол ишлеме.
Аз сёлешген, къайгъысыз турур.
Аш кетер да бет къалыр.
Ишге юренсин къоллары, халкъ бла болсун джоллары.
Къобан да къуру да къобханлай турмайды, адам да къуру да патчахлай турмайды.
Тешик этген тынчды, аны джамагъан къыйынды.
Сескекли кесин билдирир.
Ачны эсинде – аш.
Садакъачыны джаны – къапчыгъында.
Тенгни тенглиги джашай барсанг билинир.
Сууда джау джокъ, кёб сёзде магъана джокъ.
Аш иеси бла татлыды.
Айраннга суу къош, телиге джол бош.
Киштикге къанат битсе, чыпчыкъ къалмаз эди.
Окъугъан озар, окъумагъан тозар.
Адамны сабийин сюйген джюреги, бычакъча, джитиди.
Айыбны суу бла джууалмазса.
Ач келгенни – тойдур, кеч келгенни – къондур.
Къонакъ аман болса, къонакъбай джунчур
Ёзденликни кёбю ётюрюк.
Суу ичген шауданынга тюкюрме.
Айтхан сёзюне табылгъан.
Аш берме да, къаш бер.
Ашхы тенг джолгъа салыр, аман тенг джолдан тайдырыр.
Кюл тюбюндеги от кёрюнмейди.
Ач отунчуну ачыуу – бурнунда.
Бек ашыкъгъан меннге джетсин, дегенди аракъы.
Келинин тута билмеген, къул этер, къызын тута билмеген, тул этер.

Логин:	Регистрация

Пароль:	Забыли пароль?

Запомнить меня

Аудио

Созаруков Дахир

Скачать

Адрес