Аудио :: Аудио:: Гергокаева Халимат

Иесиз малны бёрю ашар.
Аллахдан тилесенг, кёб тиле.
Къууут – джелге, берне – бошха.
Айран ичген – къутулду, джугъусун джалагъан – тутулду.
Къоркъакъны кёзю экили кёрюр.
Къарнынг къанлынга кийирир.
Юреннген ауруу къалмаз.
Чомарт къолда мал къалмаз.
Ёлмесенг да, къарт дамы болмазса?
Аджашханны ызындагъы кёреди, джангылгъанны джанындагъы биледи.
Чалманны аллы къалай башланса, арты да алай барады.
Азыкълы ат арымаз, къатыны аман джарымаз.
Къарт бла баш аша, джаш бла аякъ аша.
Тиширыусуз юй – отсуз от джагъа.
Аджаллыгъа окъсуз шкок атылыр.
Илму – джашауну джолу.
Берекет берсин деген джерде, берекет болур.
Ашыкъгъан cуу, тенгизге джетмез.
Айранын берсенг, челегин да къызгъанма.
Ойнай билмеген, уруб къачар.
Уруну арты – къуру.
Къызбайны юйюне дери сюрсенг, батыр болур.
Джашда акъыл джокъ, къартда къарыу джокъ.
Хаухну атма, ёнгкючню сатма.
Ашлыкъ – бюртюкден, джюн – тюкден.
Аман адам этегингден тутса, кес да къач.
Къазанда болса, чолпугъа чыгъар.
Къонакъ кёб келюучю юйню, къазаны отдан тюшмез.
Окъуусуз билим – джокъ, билимсиз кюнюнг – джокъ.
Ач бёрюге мекям джокъ.
Ариу сёзде ауруу джокъ.
Нарт сёз къарт болмаз.
Джангыз терек къынгыр ёсер.
Ач къарынны, токъ билмез
Ауругъанны сау билмез, ач къарынны токъ билмез.
Ачыу алгъа келсе, акъыл артха къалады.
Башы ишлегенни, ауузу да ишлер.
Тойгъан антын унутур.
Минг тенг да азды, бир джау да кёбдю.
Асхат ашлыкъ сата, юйдегиси ачдан къата.
Тынгылагъан тынгы бузар.
Нарт сёз – тилни бети.
Джарлыны тону джаз битер.
Тилде сюек болмаса да, сюек сындырыр.
Джуртун къоругъан озар.
Нёгер болсанг, тенг бол, тенг болмасанг, кенг бол.
Эркишини аманы тиширыуну джылатыр.
Сабийни джумушха джибер да, ызындан бар.
Суу ичген шауданынга тюкюрме.
Ышармагъан – кюлмез, кюлмеген – къууанчны билмез.

Логин:	Регистрация

Пароль:	Забыли пароль?

Запомнить меня

Аудио

Гергокаева Халимат

Скачать

Адрес