Аудио :: Аудио:: Холамханов Къайсын

Эл ауузу – элия.
Тюзню ётмеги тюзде къалса да, тас болмаз.
Джогъун бар этген, барын бал этген.
Чыкълы кюнде чыкъмагъан, чыкъса къуру кирмеген.
Зар адамны насыбы болмаз.
Ойнай билмеген, уруб къачар.
Айныгъанлы алты кюн, тогъайгъанлы тогъуз кюн.
Бет бетге къараса, бет да джерге къарар.
Къарны аманнга къазан такъдырма, къолу аманнга от джакъдырма.
Бир онгсуз адам адет чыгъарды, деб эштирик тюлсе.
Эр абынмай, эл танымаз.
Бёрю да ач къалмасын, эчки да ашалмасын.
Акъыл сабырлыкъ берир.
Юйюнгден чыкъдынг – кюнюнгден чыкъдынг.
Кюл тюбюндеги от кёрюнмейди.
Насыблы элин сюер, насыбсыз кесин сюер.
Кёзню ачылгъаны – иги, ауузну джабылгъаны – иги.
Башда акъыл болмаса, эки аякъгъа кюч джетер.
Ёлюр джаннга, ёкюл джокъ.
Джыгъылгъанны сырты джерден тоймаз.
Акъдан къара болмаз.
Иги болса, тамадама – махтау, аман болса, меннге – айыб.
Аурууну келиую тынч, кетиую – къыйын.
Къыз тиширыу кеси юйюнде да къонакъды.
Байны оноуу, джарлыгъа джарамаз.
Ашда уялгъан – мухар, ишде уялгъан – хомух.
Намыс болмагъан джерде, насыб болмаз.
Сангырау къулакъ эл бузар.
Ашхы атаны – джашы ашхы, ашхы ананы – къызы ашхы.
Орну джокъну – сыйы джокъ.
Биреу ашаб къутулур, биреу джалаб тутулур.
Керти сёзге тёре джокъ.
Этим кетсе да, сюегим къалыр.
Баш – акъыл ючюн, акъылман – халкъ ючюн.
Эшекни не къадар тюйсенг да, ат болмаз.
Билим – акъылны чырагъы.
Джашынгы кесинг юретмесенг, джашау юретир.
Чомартны къолу берекет.
Аууз сакълагъан – джан сакълар.
Сыфатында болмагъаны, суратында болмаз.
Эртде тургъан бла эртде юйленнген сокъуранмаз.
Сабийликде юретмесенг, уллу болса – тюзелмез.
Эринчекни аурууу – кёб.
Аман адам этегингден тутса, кес да къач.
Къатын байлыкъны сюер, эр саулукъну сюер.
Ачыкъ джюрекге джол – ачыкъ.
Аз сёлеш, кёб ишле.
Алтыннга тот къонмаз.
Тик ёргени, тик энгишгеси да болады.
Ариу сёз джыланны орнундан чыгъарыр.

Логин:	Регистрация

Пароль:	Забыли пароль?

Запомнить меня

Аудио

Холамханов Къайсын

Скачать

Адрес