Аудио :: Аудио:: Бадахова Фазиля

Ишни ахырын ойламай, аллын башлама.
Адамны сыфатына къарама, сёзюне къара.
Биреуге кёлтюрген таягъынг, кесинги башынга урур.
Къошда джокъгъа – юлюш джокъ.
Тели турса – той бузар.
Чомартха хар кюн да байрамды.
Ат басханны джер билед.
Ат да турмайды бир териде.
Юйюнг бла джау болгъандан эсе, элинг бла джау бол.
Элиб деген, элге болушур.
Ёксюзню къалачы уллу кёрюнюр.
Таугъа чыгъаллыкъ эсенг, тюзде къалма.
Уллу сёзде уят джокъ.
Юре билмеген ит, къонакъ келтирир.
Асхат ашлыкъ сата, юйдегиси ачдан къата.
Ариу джол аджал келтирмез.
Ойнаб айтсанг да, эслеб айт.
Аман адам этегингден тутса, кес да къач.
Ата Джуртун танымагъан, атасын да танымаз.
Чомарт джарлы болмаз.
Къралынгы – душмандан, башынгы от бла суудан сакъла.
Накъырда – кертини келечиси.
Ашыкъгъан cуу, тенгизге джетмез.
Бир абыннган – минг сюрюнюр.
Ашхы – джыяр, аман – джояр.
Арыгъан къош чамчы болур.
Насыблы элин сюер, насыбсыз кесин сюер.
Бойнуму джети джерден кессенг да, мен ол ишни этеллик тюлме.
Къонакъ аман болса, къонакъбай джунчур
Мухар, кеси тойса да, кёзю тоймаз.
Кюл тюбюндеги от кёрюнмейди.
Келлик заман – къартлыкъ келтирир, кетген заман – джашлыкъ ёлтюрюр.
Эте билген, этген этеди, эте билмеген, юретген этеди!
Къазанчы аман болса, къазаны къайнамаз.
Арбаз сайлама да, хоншу сайла.
Ата – баланы уясы.
Къанны къан бла джуума, аманны аман бла къуума.
Акъыл къартда, джашда тюйюлдю – башдады.
Эки къатын алгъан – эки ташны ортасына башын салгъан.
Къатыны харакетли болса, эри къымсыз болур.
Къыз чыгъаргъан – къызыл къымжа.
Уллу къазанда бишген эт, чий къалмаз.
Тилчи тилден къаныкъмаз.
Рысхы джалгъанды: келген да этер, кетген да этер.
Хазыр ашха – терен къашыкъ.
Ётюрюкню къуйругъу – бир тутум.
Биреу ашаб къутулур, биреу джалаб тутулур.
Эллинг бла джау болсанг да, юйюнг бла джау болма.
Хансыз джомакъ болмаз.
Иги сёз – джаннга азыкъ, аман сёз башха – къазыкъ.

Логин:	Регистрация

Пароль:	Забыли пароль?

Запомнить меня

Аудио

Бадахова Фазиля

Скачать

Адрес