Аудио :: Аудио:: Катчиев Руслан

Къызын тута билмеген, тул этер, джашын тута билмеген, къул этер.
Ат басханны джер билед.
Телиге от эт десенг, юйюнге от салыр.
Джауумдан сора, кюн кюйдюрюр, ётюрюкден сора, айыб кюйдюрюр.
Иши джокъну, сыйы джокъ.
Акъыл къартда, джашда тюйюлдю – башдады.
Бети къызарыучу адамны, джюреги харам болмаз.
Акъыл неден да кючлюдю.
Акъыл бла адеб эгизледиле.
Абынмазлыкъ аякъ джокъ, джангылмазлыкъ джаякъ джокъ.
Дженгил джетерикме деб, узун джолну къоюб, къысхасын барма.
Башы джабылгъан челекге, кир тюшмез.
Ач келгенни – тойдур, кеч келгенни – къондур.
Адам сёзге тынгыла, акъыл сёзню ангыла.
Адамны артындан къара сабан сюрме.
Бал чибинни ургъаны – ачы, балы – татлы.
Агъач халкъгъа алтынды, иссиликге салкъынды.
Тик ёргени, тик энгишгеси да болады.
Тамырсыз терекге таянма – джыгъылырса.
Хантына кёре тузу, юйюне кёре къызы.
Тынгылагъан тынгы бузар.
Аманны къуугъан, аманлыкъ табар.
Кёбден умут этиб, аздан къуру къалма.
Аман адам этегингден тутса, кес да къач.
Къарны аманнга къазан такъдырма, къолу аманнга от джакъдырма.
Сормай – алма, чакъырылмай – барма.
Акъыл сабырлыкъ берир.
Къобан да къуру да къобханлай турмайды, адам да къуру да патчахлай турмайды.
Кёзюнде тереги болгъан, чёбю болгъаннга кюле эди.
Ачыкъ джюрекге джол – ачыкъ.
Кёб джашагъан – кёб билир.
Джырчы джырчыгъа – къарнаш.
Тюкюрюк баш джармаз, налат кёз чыгъармаз!
Ачлыкъда тары гырджын халыуадан татлы.
Къаллай салам берсенг, аллай джууаб алырса.
Джаш къарыу бла кючлю, къарт акъыл бла кючлю.
Ишлегенден, къарагъан уста.
Ариуну – ауруу кёб.
Ауругъан – джашаудан умутчу.
Адебсиз адам – джюгенсиз ат.
Хар адамгъа кеси миннген тау кибик.
Элге къуллукъ этмеген, элге ие болмаз.
Иги сеники эсе да, сюйген кесимикин этеме.
Эллинг бла джау болсанг да, юйюнг бла джау болма.
Гырджын – тепсини тамадасы.
Тойгъа алгъа да барма, тойда артха да къалма.
Атадан ёксюз – бир ёксюз, анадан ёксюз – эки ёксюз.
Уруну арты – къуру.
Бойнуму джети джерден кессенг да, мен ол ишни этеллик тюлме.
Байлыкъ тауусулур, билим тауусулмаз.

Логин:	Регистрация

Пароль:	Забыли пароль?

Запомнить меня

Аудио

Катчиев Руслан

Скачать

Адрес