Аудио :: Аудио:: Кабардокова Зухра

Аш иеси бла татлыды.
Ач, тоймам, дейди, тойгъан, ач болмам, дейди.
Ичимден чыкъды хата, къайры барайым сата?
Къызын тута билмеген, тул этер, джашын тута билмеген, къул этер.
Чомарт къонакъ юй иесин сыйлар.
Ётюрюк хапар аякъ тюбю бла джюрюйдю.
Нёгерсизни джолу узун.
Джыгъылгъанны сырты джерден тоймаз.
Ата Джуртун танымагъан, атасын да танымаз.
Ишлерге уял да, ашаргъа табма.
Сёз сёзню айтдырыр.
Аз сёлеш, кёб ишле.
Чомартны къолун джокълукъ байлар.
Ёзденликни джайгъан – джокълукъ.
Биреу къой излей, биреу той излей.
Кёзю сокъурдан – къоркъма, кёлю сокъурдан – къоркъ.
Тилсиз миллет джокъ болур.
Джырчы ёлсе, джыры къалыр.
Къууут – джелге, берне – бошха.
Ёгюзню мюйюзюнден тутадыла, адамны сёзюнден тутадыла.
Уллу къашыкъ эрин джыртар.
Ишин билген, аны сыйын чыгъарады.
Аманны эки битли тону болур, бирин сеннге кийдирир, бирин кеси киер.
Ёзденликни кёбю ётюрюк.
Алим болгъандан эсе, адам болгъан къыйынды.
Таугъа чыгъаллыкъ эсенг, тюзде къалма.
Чомарт бергенин айтмаз.
Къарт айтханны этмеген, къартаймаз.
Кёбден умут этиб, аздан къуру къалма.
Киштикге къанат битсе, чыпчыкъ къалмаз эди.
Тюзлюк тас болмайды.
Мухардан ач ычхынмаз.
Татлы тилде – сёз ариу, чемер къолда – иш ариу.
Биреуге кёлтюрген таягъынг, кесинги башынга урур.
Акъыл къартда, джашда тюйюлдю – башдады.
Джюрек кёзден алгъа кёрюр.
Джолунга кёре – джюрюшюнг, джагъанга кёре – юлюшюнг.
Чакъырылмагъан къонакъ къачан кетерин сормаз.
Биреуню тёрюнден, кесинги эшик артынг игиди.
Байлыкъ болгъан джерде, тынчлыкъ джокъду.
Эки къатын алгъан – эки ташны ортасына башын салгъан.
Къыз тиширыу кеси юйюнде да къонакъды.
Уллу айтханны этмеген – уллаймаз.
Тёрени джагъы джокъ.
Берекет берсин деген джерде, берекет болур.
Ач къарынны, токъ билмез
Олтуруб кёрюнмей эди да, ёрге туруб кёрюне эди.
Эски джаугъа ышанма.
Башынга джетмегенни сорма.
Ишлегенден, къарагъан уста.

Логин:	Регистрация

Пароль:	Забыли пароль?

Запомнить меня

Аудио

Кабардокова Зухра

Скачать

Адрес