Песен: 46 Создан:
06.05.2015 Обновлен:
29.01.2018
| 8 Мая | 2024 года |
Навигация
- Дуния аламаты сен эсенг да, игиме деб айтма.
- Бек ашыкъгъан меннге джетсин, дегенди аракъы.
- Эли джокъну – кёлю джокъ.
- Асхат ашлыкъ сата, юйдегиси ачдан къата.
- Татлы тилде – сёз ариу, чемер къолда – иш ариу.
- Адеб этмеген, адеб кёрмез.
- Кирсизни – саны таза, халалны – къаны таза.
- Эринчекни эр алмаз, эр алса да, кёл салмаз, кёл салса да, кёб бармаз!
- Билими азны – ауузунда кирит.
- Ётюрюк хапар аякъ тюбю бла джюрюйдю.
- Болджал ишни бёрю ашар.
- Ишлегенде эринме, ишде чолакъ кёрюнме.
- Тил джюрекге джол ишлейди.
- Экеулен сёлеше тура эселе, орталарына барыб кирме.
- Рысхы джалгъанды: келген да этер, кетген да этер.
- Адам къаллай бир ишленмесе, аллай бир кесин уллу кёреди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Игини сыйлагъан адетди.
- Игиге айтсанг – билир, аманнга айтсанг – кюлюр.
- Чакъырылгъанны аты, чакъырылмагъанны багъасы болур.
- Юйюнгден чыкъдынг – кюнюнгден чыкъдынг.
- Окъдан джара эртде-кеч болса да бителир, сёз джара, ёмюрге къалыр.
- Арпа, будай – ащды, алтын, кюмюш а – ташды.
- Эм уллу байлыкъ – джан саулукъ.
- Ач отунчуну ачыуу – бурнунда.
- Терслик кетер, тюзлюк джетер.
- Бетинги сатма, малынгы сат.
- Мен да «сен», дейме, сен да «кесим», дейсе.
- Бастасын ашагъан, хантусун да ичер.
- Гугук кесини атын айтыб къычыргъанча, мен, мен деб нек тураса?
- Иги – алгъыш этер, аман – къаргъыш этер.
- Аманны къуугъан, аманлыкъ табар.
- Аман къатын алгъан, арыр, иги къатын алгъан джарыр.
- Джарлыны тону джаз битер.
- Къонакъны къачан кетерин сорма, къачан келлигин сор.
- Тюзлюк тас болмайды.
- Аманнга да, игиге да оноусуз къатышма.
- Кёб джашагъан – кёб билир.
- Кесине гебен этелмеген, биреуге черен эте эди.
- Ашатыргъа иш – ашхы, ишлетирге аш – ашхы.
- Тас болгъан бычакъны сабы – алтын.
- Джаралыны джастыгъында сау ёлюр.
- Хата – гитчеден.
- Элге къуллукъ этмеген, элге ие болмаз.
- Адамны аманы адамны бети бла ойнар.
- Байны оноуу, джарлыгъа джарамаз.
- Айтхан сёзюне табылгъан.
- Кёзю сокъурдан – къоркъма, кёлю сокъурдан – къоркъ.
- Айтханы чапыракъдан ётмеген.
- Аджаллыгъа окъсуз шкок атылыр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
