Аудио :: Аудио:: Гузиева Дженнет

Ач – эснер, ат – кишнер.
Ичимден чыкъды хата, къайры барайым сата?
Къызбайны юйюне дери сюрсенг, батыр болур.
Иги бла джюрюсенг, джетерсе муратынга, аман бла джюрюсенг, къалырса уятха.
Къонакъ болсанг, ийнакъ бол.
Айтхан сёзюне табылгъан.
Тойгъан джерден туугъан джер игиди.
Джарлы эскисин джамаса, къууаныр.
Кёкдеги болмаса, джердегин кёрмейди.
Арпа, будай – ащды, алтын, кюмюш а – ташды.
Тенгни тенглиги джашай барсанг билинир.
Дуния аламаты сен эсенг да, игиме деб айтма.
Къазанчы аман болса, къазаны къайнамаз.
Танг атмайма десе да, кюн къоярыкъ тюйюлдю.
Ханнга да келеди хариблик.
Aдам боллукъ, сыфатындан белгили.
«Ма», - дегенни билмесенг, «бер», - дегенни билмезсе.
Къызгъанчдан ычхыныр, мухардан ычхынмаз.
Ауругъан – джашаудан умутчу.
Таякъ этден ётер, тил сюекден ётер.
Тай асырагъан, атха минер.
Ашхы адам – халкъ байлыгъы, ашхы джер – джашау байлыгъы.
Чомартха Тейри да борчлуду.
Къан бла кирген, джан бла чыгъар.
Джырына кёре эжиую.
Келлик заман – къартлыкъ келтирир, кетген заман – джашлыкъ ёлтюрюр.
Зар адам ашынгы ашар, кесинги сатар.
Джолда аягъынга сакъ бол, ушакъда тилинге сакъ бол.
Ашхы атаны – джашы ашхы, ашхы ананы – къызы ашхы.
Эринчекни эр алмаз, эр алса да, кёл салмаз, кёл салса да, кёб бармаз!
Адамны джюреги нени кёрюрге сюйсе, кёзю да аны кёрюрге ёч болады.
Ашына кёре табагъы, балына кёре къалагъы.
Ауурну тюбю бла, дженгилни башы бла джюрюген.
Арыгъан къош чамчы болур.
Эркиши – от, тиширыу – суу.
Джолунга кёре – джюрюшюнг, джагъанга кёре – юлюшюнг.
Джол бла сёзню къыйыры джокъ.
Тенги кёбню джау алмаз, акъылы кёбню дау алмаз.
Тыш элде солтан болгъандан эсе, кесинги элде олтан болгъан игиди!
Джангыз терек къынгыр ёсер.
Урама да – ёледи, сатама да – келеди.
Адамны сабийин сюйген джюреги, бычакъча, джитиди.
Чабакъсыз кёлге къармакъ салгъанлыкъгъа, чабакъ тутмазса.
Ишлегенден, къарагъан уста.
Джылкъыдан – ат чыгъар, тукъумдан – джаш чыгъар.
Ётюрюк хапар аякъ тюбю бла джюрюйдю.
Суу да къайтады чыкъгъан джерине.
Къолунгдан къуймакъ ашатсанг да, атаны борчундан къутулмазса.
Хунаны тюбюн къазсанг, юсюнге ауар.
От этилмеген джерден тютюн чыкъмайды.

Логин:	Регистрация

Пароль:	Забыли пароль?

Запомнить меня

Аудио

Гузиева Дженнет

Скачать

Адрес