Песен: 7 Создан:
06.05.2015 Обновлен:
06.05.2015
| 31 Мая | 2024 года |
Навигация
- Мал тутхан – май джалар.
- Джашлыкъ этмеген, башлыкъ этмез.
- Кёбге таш атма.
- Адеб базарда сатылмаз.
- Бети – къучакълар, джюреги – бычакълар.
- Къая джолда джортма, ачыкъ сёзден къоркъма.
- Эки ойлашыб, бир сёлешген.
- Суугъа – таянма, джаугъа – ийнанма.
- Иги сёз – джаннга азыкъ, аман сёз башха – къазыкъ.
- Аякъларынгы джууургъанынга кёре узат.
- Чабар ат – джетген къыз.
- Келинин тута билмеген, къул этер, къызын тута билмеген, тул этер.
- Бал чибинни ургъаны – ачы, балы – татлы.
- Ариу – кёзге, акъыл – джюрекге.
- Акъыллы башны – тили къысха.
- От этилмеген джерден тютюн чыкъмайды.
- Сабий кёргенин унутмаз.
- Джаным-тиним – окъуу, билим.
- Джангыз терек къынгыр ёсер.
- Къарын къуру болса, джюрек уру болур.
- Атадан ёксюз – бир ёксюз, анадан ёксюз – эки ёксюз.
- Хантына кёре тузу, юйюне кёре къызы.
- Эр сокъур болсун, къатын тилсиз болсун.
- Къартха ушагъан джаш – акъыллы, джашха ушагъан къарт – тели.
- Арба аугъандан сора, джол кёргюзтюучю кёб болур.
- Тюзлюк шохлукъну бегитир.
- Къарт айтханны этмеген, къартаймаз.
- Керилген да, ургъан кибикди.
- Айран ичген – къутулду, джугъусун джалагъан – тутулду.
- Сакъ юйюне сау барыр.
- Чабакъ башындан чирийди.
- Уллу айтханны этмеген – уллаймаз.
- Къызбайны юйюне дери сюрсенг, батыр болур.
- Тешигини къатында, чычхан да батыр болур.
- Ётюрюк хапар аякъ тюбю бла джюрюйдю.
- Нёгер болсанг, тенг бол, тенг болмасанг, кенг бол.
- Джылкъыдан – ат чыгъар, тукъумдан – джаш чыгъар.
- Джылар джаш, атасыны сакъалы бла ойнар.
- Ургъан суудан башынгы сакъла.
- Намыс сатылыб алынмайды.
- Аджал соруб келмез, келсе, къайтыб кетмез.
- Хар адамгъа кеси миннген тау кибик.
- Башы джабылгъан челекге, кир тюшмез.
- Окъдан джара эртде-кеч болса да бителир, сёз джара, ёмюрге къалыр.
- Джаралыны джастыгъында сау ёлюр.
- Къарыусузгъа кюлме, онгсузгъа тийме.
- Кютгени беш эчки, сызгъыргъаны уа, джерни джарады.
- Окъугъанны бети джарыкъ.
- Тойгъа алгъа да барма, тойда артха да къалма.
- Ауузу бла къуш тута айланады.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
