Аудио :: Аудио:: Загаштокова Фатима

Халкъны юйю – туугъан джери.
Къая джолда джортма, ачыкъ сёзден къоркъма.
Ариу сёзде ауруу джокъ.
Билмезни кёзю кёрмез, этмезни къулагъы эшитмез.
Тил – миллетни джаны.
Ашлыкъ – бюртюкден, джюн – тюкден.
Окъугъанны бети джарыкъ.
Кенгеш болса, уруш болмаз.
Къайтырыкъ эшигинги, къаты уруб чыкъма.
Азыкъ аз болса, эртде орун сал.
Ёлюр джаннга, ёкюл джокъ.
Ишни аллы бла къууанма да, арты бла къууан.
Башы ишлегенни, ауузу да ишлер.
Айырылмаз джууугъунга, унутмаз сёзню айтма.
Борчунг бар эсе, хурджунунга ойлаб узал.
Ач къарынны, токъ билмез
Суу кетер, таш къалыр.
Орундукъ тюбюнде атылсам да, орта джиликме, де да айлан.
Мал ёлсе, сюек къалыр, адам ёлсе, иши къалыр.
Эл ауузу – элия.
Къартха ушагъан джаш – акъыллы, джашха ушагъан къарт – тели.
Тенгни тенглиги джашай барсанг билинир.
Миллетни бойну – базыкъ, аны бла кюрешген – джазыкъ.
Ишин билген, аны сыйын чыгъарады.
Алма терегинден кери кетмез.
Гырджын – тепсини тамадасы.
Къызын тута билмеген, тул этер, джашын тута билмеген, къул этер.
Ичимден чыкъды хата, къайры барайым сата?
Сёз садакъдан кючлюдю.
Баш – акъыл ючюн, акъылман – халкъ ючюн.
Эркиши – от, тиширыу – суу.
Телиге от эт десенг, юйюнге от салыр.
Эли джокъну – кёлю джокъ.
Аш кетер да бет къалыр.
Суугъа – чабакъ, къаягъа – ыргъакъ.
Ач, тоймам, дейди, тойгъан, ач болмам, дейди.
Ётюрюкчюню шагъаты – къатында.
«Ёгюз, джаргъа джууукъ барма, меннге джюк боллукъса», - дегенди эшек.
Тешик этген тынчды, аны джамагъан къыйынды.
Билим ат болуб да чабар, къуш болуб да учар.
Къызгъанчдан ычхыныр, мухардан ычхынмаз.
Эрине къаргъыш этген къатын, эрнин къабар.
Ашлыкъны арба юйге келтирир, чана базаргъа элтир.
Къарыусузгъа кюлме, онгсузгъа тийме.
Аманны къуугъан, аманлыкъ табар.
Тил бла келеди джыр да.
Тёгюлген тюгел джыйылмайды.
Ёксюзню тилеги къабыл болур.
Шекер бла туз – бир болмаз, ушамагъан – юй болмаз.
Кийим тукъум сордурур.

Логин:	Регистрация

Пароль:	Забыли пароль?

Запомнить меня

Аудио

Загаштокова Фатима

Скачать

Адрес