Аудио :: Аудио:: Текуев Амур

Ачлыкъ отха секиртир.
Сормай – алма, чакъырылмай – барма.
Адамны адамлыгъы къыйынлыкъда айгъакъланады.
Сибиртки да сыйлы болду, кюрек да кюнлю болду.
Адеби болмагъан къыз – тузсуз хант.
Нёгерсизни джолу узун.
Ач бёрюге мекям джокъ.
Ариуну – ауруу кёб.
Эки элинги тыйсанг, джети элде махталырса.
Айран тёгюлсе, джугъусу къалыр.
Окъдан джара эртде-кеч болса да бителир, сёз джара, ёмюрге къалыр.
Алтыда кюлмеген, алтмышда кюлмез.
Башда акъыл болмаса, эки аякъгъа кюч джетер.
Джерни букъусу кёкге къонмаз.
Онгсузну – джакъла, тенгликни – сакъла.
Адеб базарда сатылмаз.
Агъач – джерни чырайы, кийим – эрни чырайы.
Атлыны кёрсе, джаяуну буту талыр.
Агъач халкъгъа алтынды, иссиликге салкъынды.
Билмейме деген – бир сёз
Акъдан къара болмаз.
Элиб деген, элге болушур.
Тай асырагъан, атха минер.
Сабыр джетер муратха, сабырсыз къалыр уятха.
Ачыу алгъа келсе, акъыл артха къалады.
Биреуню къыйынлыгъы бла кесинге джол ишлеме.
Тёрдеги кюлсе, эшикдеги ышарыр.
Айранын берсенг, челегин да къызгъанма.
Кюл тюбюндеги от кёрюнмейди.
Сёз къанатсыз учар.
Нафысынгы айтханын этме, намысынгы айтханын эт.
Садакъачыны джаны – къапчыгъында.
Билген билмегенни юретген адетди.
Суугъа – таянма, джаугъа – ийнанма.
Чакъырылмагъан джерге барма, чакъырылгъан джерден къалма.
Кирсизни – саны таза, халалны – къаны таза.
Таукел къуру къалмаз.
Акъыллы – эл иеси, тели – эл баласы.
Джолда аягъынга сакъ бол, ушакъда тилинге сакъ бол.
«Ма», - дегенни билмесенг, «бер», - дегенни билмезсе.
Игиге айтсанг – билир, аманнга айтсанг – кюлюр.
Зар адам ашынгы ашар, кесинги сатар.
Тюзню ётмеги тюзде къалса да, тас болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Кёбден умут этиб, аздан къуру къалма.
Танг атмайма десе да, кюн къоярыкъ тюйюлдю.
Аш иеси бла татлыды.
Кёл ашады да, кеси ашады.
Суу ичген шауданынга тюкюрме.
Ашын ашагъанынгы, башын да сыйла.

Логин:	Регистрация

Пароль:	Забыли пароль?

Запомнить меня

Аудио

Текуев Амур

Скачать

Адрес