Песен: 17 Создан:
06.05.2015 Обновлен:
06.05.2015
| 31 Мая | 2024 года |
Навигация
- Джуртун къоругъан озар.
- Уллу къашыкъ эрин джыртар.
- Къан бла кирген, джан бла чыгъар.
- Гитче джилтин уллу элни джандырыр.
- Алма терегинден кери кетмез.
- Адам къыйынлыгъын кёлтюрюр, зауукълугъун кёлтюрмез.
- Аман адамны тепсинге олтуртсанг, къызынгы тилер.
- Кёб къычыргъандан – къоркъма, тынч олтургъандан – къоркъ.
- Эл бла кёргенинг эрелей.
- Джырчы джырчыгъа – къарнаш.
- Эркишиге тары кебек танг кёрюнюр.
- Ачлыкъда тары гырджын халыуадан татлы.
- Сабий болмагъан джерде, мёлек болмаз.
- Аман эсирсе, юйюн ояр.
- Бал – татлы, балдан да бала – татлы.
- Тин – байлыгъынг, терен саулугъунг.
- Джахил болса анасы, не билликди баласы?
- Шайтан алдады, тюзлюк къаргъады.
- Эки итни арасына сюек атма, эки адамны арасында сёз чыгъарма.
- Ач келгенни – тойдур, кеч келгенни – къондур.
- Дуния малгъа сатылма, кесингден телиге къатылма.
- Илму – джашауну джолу.
- Бетинги сатма, малынгы сат.
- Тёзген – тёш ашар!
- Тойгъанлыкъ къойгъа джарашады.
- Уллу къазанда бишген эт, чий къалмаз.
- Бюгюн дуния кибик, тамбла ахыратды.
- Келинни – келгинчи, бёркню кийгинчи кёр.
- Билмезни кёзю кёрмез, этмезни къулагъы эшитмез.
- Таула не мийик болсала да, аууш табылыр.
- Айыбны суу бла джууалмазса.
- Келлик заман – къартлыкъ келтирир, кетген заман – джашлыкъ ёлтюрюр.
- Чомартха Тейри да борчлуду.
- Абынмазлыкъ аякъ джокъ, джангылмазлыкъ джаякъ джокъ.
- Адебсиз адам – джюгенсиз ат.
- Олтуруб кёрюнмей эди да, ёрге туруб кёрюне эди.
- Келинин тута билмеген, къул этер, къызын тута билмеген, тул этер.
- Ауругъан – джашаудан умутчу.
- Тешик этген тынчды, аны джамагъан къыйынды.
- Ханнга да келеди хариблик.
- Къонакъны къачан кетерин сорма, къачан келлигин сор.
- Халкъны джырын джырласанг, халкъ санга эжиу этер.
- Ач, тоймам, дейди, тойгъан, ач болмам, дейди.
- Булут кёкге джарашыу, уят бетге джарашыу.
- Джолда аягъынга сакъ бол, ушакъда тилинге сакъ бол.
- Кийиминг бла танылма, адамлыкъ бла таныл.
- Телиге от эт десенг, юйюнге от салыр.
- Билими азны – ауузунда кирит.
- Кимни – тили, тиши онглу, кимни – къолу, иши онглу.
- Джаз бир кюнню джатсанг, къыш талай кюнню абынырса.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
