Аудио :: Аудио:: Отаров Омар

Аджалсыз ёлюм болмаз.
Эри аманны, къатыны – аман.
Кеси юйюмде мен да ханма.
Кесинг сынамагъан затны, адамгъа буюрма.
Ашына кёре табагъы, балына кёре къалагъы.
Накъырда – кертини келечиси.
Сангырау къулакъ эл бузар.
Тамырсыз терекге таянма – джыгъылырса.
Нафысынгы айтханын этме, намысынгы айтханын эт.
Иги болса, тамадама – махтау, аман болса, меннге – айыб.
Кесинге джетмегенни, кёб сёлешме.
Къызбайны юйюне дери сюрсенг, батыр болур.
Акъдан къара болмаз.
Кёкдеги болмаса, джердегин кёрмейди.
Акъыллы айтыр эди, акъылсыз къоймайды.
Ариу сёз – джаннга азыкъ, аман сёз – башха къазыкъ.
Терек ауса, отунчу – кёб.
Байлыкъдан саулукъ ашхыды.
Ишлегенде эринме, ишде чолакъ кёрюнме.
Джигер – джаннга къыйынлыкъ.
Бичгенде ашыкъма, тикгенде ашыкъ.
Бети бедерден, намыс сакълама.
Аман къатын алгъан, арыр, иги къатын алгъан джарыр.
От этилмеген джерден тютюн чыкъмайды.
Билмейме деген – бир сёз
Ашыкъгъанны этеги бутуна чырмалыр.
Суу ичген шауданынга тюкюрме.
Мураты болгъанны джюрек тебюую башхады.
Хата – гитчеден.
Эшекни не къадар тюйсенг да, ат болмаз.
Тюкюрюк баш джармаз, налат кёз чыгъармаз!
Адамны артындан къара сабан сюрме.
Тик ёргени, тик энгишгеси да болады.
Башынга джетмегенни сорма.
Окъуу – билимни ачхычы, окъуу – дунияны бачхычы.
Чыбыкълыкъда бюгюлмеген, къазыкълыкъда бюгюлмей эди.
Ана къойну – балагъа джандет.
Сагъыш – къартлыкъгъа сюйюмчю.
Джумушакъ терекни къурт ашар.
Кесине гебен этелмеген, биреуге черен эте эди.
Билген билмегенни юретген адетди.
Таш ата билмеген, башына урур.
Эркишини аманы тиширыуну джылатыр.
Аманнга игилик этсенг, юйюнге сау бармазса.
Ана – юйню кюн джарыгъы.
Къонакъ болсанг, ийнакъ бол.
Ойнай-ойнай кёз чыгъар.
Зар адам ашынгы ашар, кесинги сатар.
Къонакъ аман болса, къонакъбай джунчур
Узун джолну барсанг, бюгюн келирсе, къысха джолну барсанг, тамбла келирсе.

Логин:	Регистрация

Пароль:	Забыли пароль?

Запомнить меня

Аудио

Отаров Омар

Скачать

Адрес