Аудио :: Аудио:: Газаев Алим

Керилген да, ургъан кибикди.
Тамчы таш тешер.
Билими азны – ауузунда кирит.
Хатерли къул болур.
Арбаз къынгырды да, ийнек сауалмайма.
Джетген къыз джерли эшекни танымаз.
Къыйынлы джети элге оноу этер.
Иши джокъну, сыйы джокъ.
Джарлыны тону джаз битер.
Терек ауса, отунчу – кёб.
Чакъырылмагъан джерге барма, чакъырылгъан джерден къалма.
Тура эдим джата, къайдан чыкъды хата?
Тенгни тенглиги джашай барсанг билинир.
Этим кетсе да, сюегим къалыр.
Ойнай билмеген, оюн бузар.
Кийимни бир кюнню аясанг, минг кюннге джарар.
Эл ауузу – элек, анга ийнаннган – халек.
Сагъышы джокъ – джукъучу, акъылы джокъ – къаугъачы.
Рысхысына кёре, джаш ёсер, къышлыгъына кёре, мал ёсер.
Кёлю джокъну – джолу джокъ.
Кеси юйюмде мен да ханма.
Ургъан суудан башынгы сакъла.
Ач къалгъандан, кеч къалгъан къолай.
Ата – билек, ана – джюрек!
Эшекни не къадар тюйсенг да, ат болмаз.
Аманнга игилик этсенг, юйюнге сау бармазса.
Къанны къан бла джуума, аманны аман бла къуума.
Окъугъанны бети джарыкъ.
Эл бла кёргенинг эрелей.
Соргъан айыб тюлдю, билмеген айыбды.
Къумурсхала джыйылсала, пилни да джыгъадыла.
Узун джолну барсанг, бюгюн келирсе, къысха джолну барсанг, тамбла келирсе.
Агъач халкъгъа алтынды, иссиликге салкъынды.
Сёз – кюмюш, джыр – алтын.
Агъач – джерни чырайы, кийим – эрни чырайы.
Адамны сыфатына къарама, сёзюне къара.
Ёлген ийнек сютлю болур.
Окъуу – билимни ачхычы, окъуу – дунияны бачхычы.
Аджашхан тёгерек айланыр.
Чомарт къонакъ юй иесин сыйлар.
Джумушакъ сёз къаты таякъны сындырыр.
Джарлы тюеге минсе да, ит къабар.
Адамны сабийин сюйген джюреги, бычакъча, джитиди.
Хоншуну тауугъу къаз кёрюнюр, келини къыз кёрюнюр.
Башы ишлегенни, ауузу да ишлер.
Аллахха ийнаннган кишини, Аллах онгдурур ишин.
Къонагъы джокъну – шоху джокъ.
Аджал соруб келмез, келсе, къайтыб кетмез.
Чабакъгъа акъыл, табагъа тюшсе келеди.
Насыблы элин сюер, насыбсыз кесин сюер.

Логин:	Регистрация

Пароль:	Забыли пароль?

Запомнить меня

Аудио

Газаев Алим

Скачать

Адрес