Аудио :: Аудио:: Тамбиев Къасбот

Хунаны тюбюн къазсанг, юсюнге ауар.
Акъыл бла адеб эгизледиле.
Иши джокъну, сыйы джокъ.
Джашда акъыл джокъ, къартда къарыу джокъ.
Билим къая тешер.
Чарсда алчыны эл кёреди.
Ауузу бла къуш тута айланады.
Бозаны арты дауур болур.
Джюрекден джюрекге джол барды.
Адеб этмеген, адеб кёрмез.
Къатын байлыкъны сюер, эр саулукъну сюер.
Нафысынгы айтханын этме, намысынгы айтханын эт.
Таукел адам тау тешер.
Нарт сёз къарт болмаз.
Хаухну атма, ёнгкючню сатма.
Насыб бютеу халкъны юлюшюдю.
Татлы сёз – балдан татлы.
Агъач – джерни чырайы, кийим – эрни чырайы.
Адеби болмагъан къыз – тузсуз хант.
Баш болса, бёрк табылыр.
Босагъагъа джууукъ орун болса, ашыгъыб тёрге озма.
Аман киши кеси юйюнде – къонакъ.
Сакъалы текени да бар, мыйыгъы киштикни да бар.
Ата джурт – алтын бешик.
Джылыгъа джылан илешир.
Эртде тургъан бла эртде юйленнген сокъуранмаз.
Уруну арты – къуру.
Ишни ахырын ойламай, аллын башлама.
Мухарны эси – ашарыкъда.
Къызны минг тилер, бир алыр.
Иги болса, тамадама – махтау, аман болса, меннге – айыб.
Гугук кесини атын айтыб къычыргъанча, мен, мен деб нек тураса?
Окъуу – билимни ачхычы, окъуу – дунияны бачхычы.
Бети бедерден, намыс сакълама.
Къарт болгъан джерде, берекет болур, сабий болгъан джерде, оюн болур.
Эки ойлашыб, бир сёлешген.
Насыблы элин сюер, насыбсыз кесин сюер.
Эшекге миннген – биринчи айыб, андан джыгъылгъан – экинчи айыб.
Арбаз сайлама да, хоншу сайла.
Ауругъанны сау билмез, ач къарынны токъ билмез.
Тюкюрюк баш джармаз, налат кёз чыгъармаз!
Эринчекни аурууу – кёб.
Сормай – алма, чакъырылмай – барма.
Джарлыны эшигин махтагъан джабар.
Чомартха Тейри да борчлуду.
Атынг аманнга чыкъгъандан эсе, джанынг тамагъынгдан чыкъсын.
Биреуню эскиси биреуге джангы болмайды.
Ким бла джюрюсенг, аны кёзю бла кёрюнюрсе.
Аманнга алтын чыдамаз.
Кийиминг бла танылма, адамлыкъ бла таныл.

Логин:	Регистрация

Пароль:	Забыли пароль?

Запомнить меня

Аудио

Тамбиев Къасбот

Скачать

Скачать

Альбом “Диск "Аналагъа насыб" 2010 год”

Скачать

Альбом “На стихи Билала Лайпанова”

Адрес