Аудио :: Аудио:: Байрамуков Магомед

Айтылгъан сёз ызына къайтмаз.
Уллу къашыкъ эрин джыртар.
Айырылмаз джууугъунга, унутмаз сёзню айтма.
Ишлемеген – тишлемез.
Бир абыннган – минг сюрюнюр.
Юйлю уругъа ит чабмаз.
Тойгъа барсанг, тоюб бар, эски тонунгу къоюб бар.
Джерни букъусу кёкге къонмаз.
Джылар джаш, атасыны сакъалы бла ойнар.
Чабакъ башындан чирийди.
Джырына кёре эжиую.
Ёлген эшек бёрюден къоркъмайды.
Келгинчи, къонакъ уялыр, келгенден сора, къонакъбай уялыр.
Къайгъыны сюйген, къайгъы табар.
Татлы тилде – сёз ариу, чемер къолда – иш ариу.
Бермеген къол, алмайды.
Ашатыргъа иш – ашхы, ишлетирге аш – ашхы.
Азыкъ аз болса, эртде орун сал.
Къонакъ кёб келюучю юйню, къазаны отдан тюшмез.
Юре билмеген ит, къонакъ келтирир.
Мен да «сен», дейме, сен да «кесим», дейсе.
Юреннген ауруу къалмаз.
Джолунга кёре – джюрюшюнг, джагъанга кёре – юлюшюнг.
Кирсизни – саны таза, халалны – къаны таза.
Кёл ашады да, кеси ашады.
Бал ашаргъа сюе эсенг, чибин ургъаннга тёз.
Керек ташны ауурлугъу джокъ.
Ачылгъан эт джабылыр, кёрген кёз унутмаз.
Джашынгы кесинг юретмесенг, джашау юретир.
Ач – эснер, ат – кишнер.
Адеб базарда сатылмаз.
Нарт сёз – тилни бети.
Къатын къылыкъсыз, эр тынчлыкъсыз.
Кёл – къызбай, къол – батыр.
Кийимни бир кюнню аясанг, минг кюннге джарар.
Джарлыны тону джаз битер.
Сёз – кюмюш, джыр – алтын.
Биреуню эскиси биреуге джангы болмайды.
Баш – акъыл ючюн, акъылман – халкъ ючюн.
Иесиз малны бёрю ашар.
Иги адам абынса да, джангылмаз.
Къазанчы аман болса, къазаны къайнамаз.
Aдам боллукъ, сыфатындан белгили.
Хатерли къул болур.
Ата – баланы уясы.
Чакъырылмагъан къонакъ къачан кетерин сормаз.
Таукел къуру къалмаз.
Джашлыкъ этмеген, башлыкъ этмез.
Бал чибинни ургъаны – ачы, балы – татлы.
Акъыллы – эл иеси, тели – эл баласы.

Логин:	Регистрация

Пароль:	Забыли пароль?

Запомнить меня

Аудио

Байрамуков Магомед

Скачать

Скачать

Альбом “АЛЬБОМ - "INSTRUMENTAL" 2002”

Скачать

Альбом “АЛЬБОМ - "SOLO" 2002”

Адрес