Песен: 7 Создан:
03.02.2017 Обновлен:
03.02.2017
| 30 Мая | 2024 года |
Навигация
- Суу кетер, таш къалыр.
- Ишлегенде эринме, ишде чолакъ кёрюнме.
- Биреуге аманлыкъны тилеме да, кесинге ашхылыкъны тиле.
- Тойгъан джерден туугъан джер игиди.
- Сёлеш деб шай берген, тохта деб, сом берген.
- Чакъырылмагъан къонакъ тёрге атламаз.
- Ишленмеклик адамлыкъды.
- Аманнга алтын чыдамаз.
- Джарлы эскисин джамаса, къууаныр.
- Джырына кёре эжиую.
- Татлы сёз – балдан татлы.
- Алим болгъандан эсе, адам болгъан къыйынды.
- Тынгылагъан тынгы бузар.
- Тёрдеги кюлсе, эшикдеги ышарыр.
- Джаш къарыу бла кючлю, къарт акъыл бла кючлю.
- Аджашханны ызындагъы кёреди, джангылгъанны джанындагъы биледи.
- Ачлыкъда тары гырджын халыуадан татлы.
- Аш хазыр болса, иш харам болур.
- Кесинг сынамагъан затны, адамгъа буюрма.
- Керти сёзге тёре джокъ.
- Ариу сёз – къылычдан джити.
- Ана къолу ачытмаз.
- Суугъа – таянма, джаугъа – ийнанма.
- Тил бла келеди джыр да.
- Адамны сабийин сюйген джюреги, бычакъча, джитиди.
- Намысы джокъну – дуниясы джокъ.
- Къолу уллу – асыу, аягъы уллу – джарсыу.
- Къошда джокъгъа – юлюш джокъ.
- Ётюрюкчюню шагъаты – къатында.
- Баланы адам этген анады.
- Джолда аягъынга сакъ бол, ушакъда тилинге сакъ бол.
- Юйлю уругъа ит чабмаз.
- Ата Джуртун танымагъан, атасын да танымаз.
- Юреннген ауруу къалмаз.
- Нёгер болсанг, тенг бол, тенг болмасанг, кенг бол.
- Тёзген – тёш ашар!
- Чыбыкълыкъда бюгюлмеген, къазыкълыкъда бюгюлмей эди.
- Атлыны кёрсе, джаяуну буту талыр.
- Къонакъ кёб келюучю юйню, къазаны отдан тюшмез.
- Аууздан келген, къолдан келсе, ким да патчах болур эди.
- Ашлыкъны арба юйге келтирир, чана базаргъа элтир.
- Билгенни къолу къарны джандырыр.
- Тойну къарнашы – харс, джырны къарнашы – эжиу.
- Аманнга да, игиге да оноусуз къатышма.
- Айран тёгюлсе, джугъусу къалыр.
- Хатерли къул болур.
- Къарт айтханны этмеген, къартаймаз.
- Игини сыйлагъан адетди.
- Къозулугъунда тоймагъан, къойлугъунда тоймаз.
- Аджалсыз ёлюм болмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
