Аудио :: Аудио:: Мени джюзджыллыгъым келир менсизлей...

Джаш къарыу бла кючлю, къарт акъыл бла кючлю.
Тойгъан антын унутур.
Къанны къан бла джуума, аманны аман бла къуума.
Билмегенинги, билгеннге сор.
Эри аманны, къатыны – аман.
Къайгъы тюбю – тенгиз.
Кесине оноу эте билмеген, халкъына да эте билмез.
Тил – миллетни джаны.
Аман киши кеси юйюнде – къонакъ.
Тура эдим джата, къайдан чыкъды хата?
Аш иеси бла татлыды.
Джаханимни кёрмей, джандетге кёл салмазса.
Тойгъанлыкъ къойгъа джарашады.
Ата Джуртуму башы болмасам да, босагъасында ташы болайым.
Джюрекден джюрекге джол барды.
Душманны тышы – акъ, ичи – къара.
Акъдан къара болмаз.
Зарда марда джокъ.
Тойну къарнашы – харс, джырны къарнашы – эжиу.
Окъугъан – асыу, окъумагъан – джарсыу.
Ёгюзню мюйюзлери ауурлукъ этмейдиле.
Айтхан сёзюне табылгъан.
Чомарт джарлы болмаз.
Джарлыны тону джаз битер.
Хар адамгъа кеси миннген тау кибик.
Иесиз малны бёрю ашар.
Ёлюк кебинсиз къалмаз.
Мени джылытмагъан кюн, меннге тиймесин!
Таула не мийик болсала да, аууш табылыр.
Намысы джокъну – дуниясы джокъ.
Къызбайны юйюне дери сюрсенг, батыр болур.
Айтханы чапыракъдан ётмеген.
Элни кючю – эмеген.
Къобан да къуру да къобханлай турмайды, адам да къуру да патчахлай турмайды.
Агъач халкъгъа алтынды, иссиликге салкъынды.
Ашхы адам – халкъ байлыгъы, ашхы джер – джашау байлыгъы.
Хазыр ашха – терен къашыкъ.
Кёзю сокъурдан – къоркъма, кёлю сокъурдан – къоркъ.
Суу да къайтады чыкъгъан джерине.
Билимли ёлмез, билимсиз кёрмез.
Джети тилни билген джети кишиди.
Ач уят къоймаз.
Ана къойну – балагъа джандет.
Джашлыкъ этмеген, башлыкъ этмез.
Босагъа таш юйге кирмей эди, тыбыр таш эшикге чыкъмай эди.
Ана кёлю – балада, бала кёлю – талада.
Баланы адам этген анады.
Таугъа чыгъаллыкъ эсенг, тюзде къалма.
Юреннген ауруу къалмаз.
Чакъырылгъанны аты, чакъырылмагъанны багъасы болур.

Логин:	Регистрация

Пароль:	Забыли пароль?

Запомнить меня

Аудио

Мени джюзджыллыгъым келир менсизлей...

Скачать

Адрес