Аудио :: Аудио:: Сагъышла

Ургъан суудан башынгы сакъла.
Аууздан келген, къолдан келсе, ким да патчах болур эди.
Къарнынг къанлынга кийирир.
Адеб базарда сатылмаз.
Аджаллыгъа окъсуз шкок атылыр.
Хар сёзню орну барды.
Джан саулукъ бермей, сан саулукъ бермезсе.
Этни бети бла шорпасы.
Таукел къуру къалмаз.
Ишлегенде эринме, ишде чолакъ кёрюнме.
Садакъачыны джаны – къапчыгъында.
Таукел адам тау тешер.
Ауругъаннга – кийик саулукъ, джетген къызгъа – чилле джаулукъ.
Оюмсуз атлагъан, аджалсыз ёлюр.
Таукел тауну аудурур.
Игилик игилик бла сингдирилиучю затды.
Сууда джау джокъ, кёб сёзде магъана джокъ.
Къарнынг ауруса, ауузунгу тый
Къартны сыйын кёрмеген, къартлыгъында сыйлы болмаз.
Ариу сёз джыланны орнундан чыгъарыр.
Джарлыны эшигин махтагъан джабар.
Уллу къашыкъ эрин джыртар.
Кесине оноу эте билмеген, халкъына да эте билмез.
Адам сёзюнден белгили.
Дууулдаса – бал чибин, къонса – къара чибин.
Рысхы – насыбха къор.
Алма терегинден кери кетмез.
Ана къолу ачытмаз.
Сютден ауузу кюйген, суугъа юфгюре эди.
Тойгъа барсанг, тоюб бар, эски тонунгу къоюб бар.
Гырджын – тепсини тамадасы.
Миллетни бойну – базыкъ, аны бла кюрешген – джазыкъ.
Эл элде бирер малынг болгъандан эсе, бирер тенгинг болсун.
Биреу къой излей, биреу той излей.
Билимсиз иш бармаз.
Тас болгъан бычакъны сабы – алтын.
Эркишини аманы тиширыуну джылатыр.
Бетинги сатма, малынгы сат.
Бек ашыкъгъан меннге джетсин, дегенди аракъы.
Къобан да къуру да къобханлай турмайды, адам да къуру да патчахлай турмайды.
Дженгил джетерикме деб, узун джолну къоюб, къысхасын барма.
Ёмюрлюк шохлукъну джел элтмез.
Арбаз сайлама да, хоншу сайла.
Таукелге нюр джауар.
Кёзю сокъурдан – къоркъма, кёлю сокъурдан – къоркъ.
Джангызны оту джарыкъ джанмаз!
Чомарт къонакъ юй иесин сыйлар.
Эри аманны, къатыны – аман.
Ачлыкъ отха секиртир.
Тил джюрекге джол ишлейди.

Логин:	Регистрация

Пароль:	Забыли пароль?

Запомнить меня

Аудио

Сагъышла

Скачать

Адрес