Аудио :: Аудио:: Ходжаны хапарлары

Нёгерсизни джолу узун.
Къыз тиширыу кеси юйюнде да къонакъды.
Чабар ат – джетген къыз.
Адеб базарда сатылмаз.
Джюз элде джюз ёгюзюм болгъандан эсе, джюз джууугъум болсун.
Къонакъ аман болса, къонакъбай джунчур
Нарт сёз къарт болмаз.
Башланнган иш битер, къымылдагъан тиш тюшер.
Къуллукъчума, деб махтанма, къуллукъ – хаух джамчыды!
Юйлю уругъа ит чабмаз.
Ашатыргъа иш – ашхы, ишлетирге аш – ашхы.
Адамны сыфатына къарама, сёзюне къара.
Кюн кёрмеген, кюн кёрсе, кюндюз чыракъ джандырыр.
Ашхы болсанг, атынг чыгъар, аман болсанг, джанынг чыгъар.
Чакъырылмай келген къонакъ сыйланмай кетер.
Ишлерге уял да, ашаргъа табма.
Кёл – къызбай, къол – батыр.
Термилгенинги табмазса, кюлгенинге тюберсе.
Ашхы адам – халкъ байлыгъы, ашхы джер – джашау байлыгъы.
Къралынгы – душмандан, башынгы от бла суудан сакъла.
Билими азны – ауузунда кирит.
Зар адам ашынгы ашар, кесинги сатар.
Таш бла ургъанны, аш бла ур.
Мухарны эси – ашарыкъда.
Джарлыны тону джаз битер.
Дженгил джетерикме деб, узун джолну къоюб, къысхасын барма.
Ашыкъгъан cуу, тенгизге джетмез.
Чалманны аллы къалай башланса, арты да алай барады.
Тура эдим джата, къайдан чыкъды хата?
Айтханы чапыракъдан ётмеген.
Кёбге таш атма.
Аллахха ийнаннган кишини, Аллах онгдурур ишин.
Тенгинг джокъ эсе – изле, бар эсе – сакъла!
Байлыкъ адамны сокъур этер.
Къоркъакъны кёзю экили кёрюр.
Чабакъ башындан чирийди.
Нарт сёз – тилни бети.
Суу кетер, таш къалыр.
Джиби бир къат джетмей эди да, эки къат тарта эди.
Тюзлюк шохлукъну бегитир.
Биреуню къыйынлыгъы бла кесинге джол ишлеме.
Сёз сёзню айтдырыр.
Бети – къучакълар, джюреги – бычакълар.
Ана къолу ачытмаз.
Арба аугъандан сора, джол кёргюзтюучю кёб болур.
Аш хазыр болса, иш харам болур.
Сютден ауузу кюйген, суугъа юфгюре эди.
Артына баргъанны, къатына барма.
Орну джокъну – сыйы джокъ.
Борчунг бар эсе, хурджунунга ойлаб узал.

Логин:	Регистрация

Пароль:	Забыли пароль?

Запомнить меня

Аудио

Ходжаны хапарлары

Скачать

Адрес