Аудио :: Аудио:: Мени юйюм джулдузлагъа джууукъду (назмула)

Хазыр ашха – терен къашыкъ.
Экеу тутушса, биреу джыгъылыр.
Чабакъсыз кёлге къармакъ салгъанлыкъгъа, чабакъ тутмазса.
Билгенни къолу къарны джандырыр.
Мал кёб болса, джууукъ кёб болур.
Болджал ишни бёрю ашар.
Уллу сёлешме да, уллу къаб.
Ата Джуртун танымагъан, атасын да танымаз.
Ишин билген, аны сыйын чыгъарады.
Тенгни тенглиги джашай барсанг билинир.
Къан бла кирген, джан бла чыгъар.
Бек анасы джыламаз.
Джаш болсун, къыз болсун, акъылы, саны тюз болсун.
Насыблы элин сюер, насыбсыз кесин сюер.
Хоншуну тауугъу къаз кёрюнюр, келини къыз кёрюнюр.
Сабий болмагъан джерде, мёлек болмаз.
Къарнынг къанлынга кийирир.
Эл тойса, тоймагъан, эл къойса, къоймагъан.
Джумушакъ сёз къаты таякъны сындырыр.
Эркиши – от, тиширыу – суу.
Къарын къуру болса, джюрек уру болур.
Сёлеш деб шай берген, тохта деб, сом берген.
Билмейме деген – бир сёз
Суу да къайтады чыкъгъан джерине.
Дженгил джетерикме деб, узун джолну къоюб, къысхасын барма.
Кюн – узун, ёмюр – къысха.
Гырджын – тепсини тамадасы.
Ач бёрюге мекям джокъ.
Кёбге таш атма.
Намыс сатылыб алынмайды.
Чёбню кёлтюрсенг, тюбюнден сёз чыгъар.
Зар адам ашынгы ашар, кесинги сатар.
Джиби бир къат джетмей эди да, эки къат тарта эди.
Тойгъан джерден туугъан джер игиди.
Бастасын ашагъан, хантусун да ичер.
Эллинг бла джау болсанг да, юйюнг бла джау болма.
Чомарт къонакъ юй иесин сыйлар.
Къуру гыбыт бек дыгъырдар.
Джеринден айырылгъан – джети джылар, джуртундан айырылгъан – ёлгюнчю джылар.
Ашхы тенг джолгъа салыр, аман тенг джолдан тайдырыр.
Арпа, будай – ащды, алтын, кюмюш а – ташды.
Ашыкъгъан cуу, тенгизге джетмез.
Сёз къанатсыз учар.
Адамны джюреги нени кёрюрге сюйсе, кёзю да аны кёрюрге ёч болады.
Ат да турмайды бир териде.
Эм уллу байлыкъ – джан саулукъ.
Ана къолу ачытмаз.
Тойгъанлыкъ къойгъа джарашады.
Орундукъ тюбюнде атылсам да, орта джиликме, де да айлан.
Къулакъдан эсе, кёзге ышан.

Логин:	Регистрация

Пароль:	Забыли пароль?

Запомнить меня

Аудио

Мени юйюм джулдузлагъа джууукъду (назмула)

Скачать

Адрес