Аудио :: Аудио:: Джомакъ, джомакъ джолунга

Кёлсюзден сёзсюз тууар.
Хазыр ашха – терен къашыкъ.
Аманны тукъумуна къарама, игини тукъумун сорма.
Тилчи бир сагъатха айлыкъ хата этер.
Тилсиз миллет джокъ болур.
Иги – алгъыш этер, аман – къаргъыш этер.
Эте билген, этген этеди, эте билмеген, юретген этеди!
Къарнынг тойгъунчу аша да, белинг талгъынчы ишле.
Ач уят къоймаз.
Чоюнну башы ачыкъ болса, итге уят керекди.
Арпа, будай – ащды, алтын, кюмюш а – ташды.
Къонакъ кёб келюучю юйню, къазаны отдан тюшмез.
Къазанда болса, чолпугъа чыгъар.
Чыбыкълыкъда бюгюлмеген, къазыкълыкъда бюгюлмей эди.
Ариу сёз аурууунгу алыр.
Таукел тауну аудурур.
Билим къая тешер.
Алим болгъандан эсе, адам болгъан къыйынды.
Ичимден чыкъды хата, къайры барайым сата?
Тилчи тилден къаныкъмаз.
Иги сеники эсе да, сюйген кесимикин этеме.
Абынмазлыкъ аякъ джокъ, джангылмазлыкъ джаякъ джокъ.
Къонагъы джокъну – шоху джокъ.
Джашлыкъ этмеген, башлыкъ этмез.
Элде адам къалмаса, ит тахтагъа минер.
Бет бетге къараса, бет да джерге къарар.
Тик ёргени, тик энгишгеси да болады.
Рысхысына кёре, джаш ёсер, къышлыгъына кёре, мал ёсер.
Къайгъы тюбю – тенгиз.
Чомарт къолда мал къалмаз.
Чыкълы кюнде чыкъмагъан, чыкъса къуру кирмеген.
Уллу суу бла уллу ауруудан башынгы сакъла.
Эринчекни эр алмаз, эр алса да, кёл салмаз, кёл салса да, кёб бармаз!
Алтыннга тот къонмаз.
Татлы тилде – сёз ариу, чемер къолда – иш ариу.
Ат да турмайды бир териде.
Тюзню ётмеги тюзде къалса да, тас болмаз.
Кёб ант этген, кёб ётюрюк айтыр.
Тёрдеги кюлсе, эшикдеги ышарыр.
Ашхы – джыяр, аман – джояр.
Оюмсуз атлагъан, аджалсыз ёлюр.
Кенгеш болса, уруш болмаз.
Экеу тутушса, биреу джыгъылыр.
Соргъан айыб тюлдю, билмеген айыбды.
Аджашханны ызындагъы кёреди, джангылгъанны джанындагъы биледи.
Мен да «сен», дейме, сен да «кесим», дейсе.
Хоншуну тауугъу къаз кёрюнюр, келини къыз кёрюнюр.
Бюгюн дуния кибик, тамбла ахыратды.
Сыфатында болмагъаны, суратында болмаз.
Ашда – бёрю, ишде – ёлю.

Логин:	Регистрация

Пароль:	Забыли пароль?

Запомнить меня

Аудио

Джомакъ, джомакъ джолунга

Скачать

Адрес