Аудио :: Аудио:: Аппаны джомакълары

Кютгени беш эчки, сызгъыргъаны уа, джерни джарады.
Тилчиден кери бол.
Билеги кючлю, бирни джыгъар, билими кючлю, мингни джыгъар.
Тау башында, тау болмаз, джангыз терек, бау болмаз.
Уллу къазанда бишген эт, чий къалмаз.
Джырына кёре эжиую.
Ашыкъгъанны этеги бутуна чырмалыр.
Кийим тукъум сордурур.
Татлы сёз – балдан татлы.
Джырчы джырчыгъа – къарнаш.
Борчунг бар эсе, хурджунунга ойлаб узал.
Къаллай салам берсенг, аллай джууаб алырса.
Эте билген, этген этеди, эте билмеген, юретген этеди!
Тюкюрюк баш джармаз, налат кёз чыгъармаз!
Азыкъ аз болса, эртде орун сал.
Суу ичген шауданынга тюкюрме.
Джети тилни билген джети кишиди.
Айныгъанлы алты кюн, тогъайгъанлы тогъуз кюн.
Ашхылыкъ джерде джатмайды, аманлыкъ суугъа батмайды.
Джарлы тюеге минсе да, ит къабар.
Ата джурт – алтын бешик.
Таукел адам тау тешер.
Байлыкъ тауусулур, билим тауусулмаз.
Сакъламагъан затынга джолукъсанг, не бек къууанаса, не бек ачыйса.
Тешик этген тынчды, аны джамагъан къыйынды.
Тили узунну, намысы – къысха.
Къолу уллу – асыу, аягъы уллу – джарсыу.
Ашда – бёрю, ишде – ёлю.
Бозанг болмагъан джерге, къалагъынгы сукъма.
Ишлемеген – тишлемез.
Къазанчы аман болса, къазаны къайнамаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Аз сёлешген, къайгъысыз турур.
Хар зат кесини орнуна иги.
Суугъа – чабакъ, къаягъа – ыргъакъ.
Сибиртки да сыйлы болду, кюрек да кюнлю болду.
Джиби бир къат джетмей эди да, эки къат тарта эди.
Абынмазлыкъ аякъ джокъ, джангылмазлыкъ джаякъ джокъ.
Гитче джилтин уллу элни джандырыр.
Намысы джокъну – дуниясы джокъ.
Къарнынг тойгъунчу аша да, белинг талгъынчы ишле.
Таякъ этден ётер, тил сюекден ётер.
Уллу сёлешме да, уллу къаб.
Кёбден умут этиб, аздан къуру къалма.
Насыб бютеу халкъны юлюшюдю.
Ауузу бла къуш тута айланады.
Аджал соруб келмез, келсе, къайтыб кетмез.
Кесинг сынамагъан затны, адамгъа буюрма.
Чомартха хар кюн да байрамды.
Акъыл бла адеб эгизледиле.

Логин:	Регистрация

Пароль:	Забыли пароль?

Запомнить меня

Аудио

Аппаны джомакълары

Скачать

Адрес