Аудио :: Аудио:: Джашау джолунгда

Чомарт къонакъ юй иесин сыйлар.
Билимден уллу байлыкъ джокъду.
Эки къатын алгъанны къулагъы тынгнгаймаз.
Тюзню ётмеги тюзде къалса да, тас болмаз.
Акъыллы айтыр эди, акъылсыз къоймайды.
Атадан ёксюз – бир ёксюз, анадан ёксюз – эки ёксюз.
Чомартха Тейри да борчлуду.
Шекер бла туз – бир болмаз, ушамагъан – юй болмаз.
Адеб джокъда, намыс джокъ.
Къайгъыны сюйген, къайгъы табар.
Ана къойну – балагъа джандет.
Адам туугъан джеринде, ит тойгъан джеринде.
Кёб джашагъан – кёб билир.
Мухарны эси – ашарыкъда.
Ишлемеген – тишлемез.
Рысхы – насыбха къор.
Джуртун къоругъан озар.
Ойнай билмеген, оюн бузар.
Игини сыйлагъан адетди.
Къызын тута билмеген, тул этер, джашын тута билмеген, къул этер.
Аджаллыгъа окъсуз шкок атылыр.
Уллу сёзде уят джокъ.
Узун джолну барсанг, бюгюн келирсе, къысха джолну барсанг, тамбла келирсе.
Джаш къарыу бла кючлю, къарт акъыл бла кючлю.
Ушамагъан – джукъмаз.
Адамны сабийин сюйген джюреги, бычакъча, джитиди.
Къумурсхала джыйылсала, пилни да джыгъадыла.
Ашхы адам – халкъ байлыгъы, ашхы джер – джашау байлыгъы.
Аш кетер да бет къалыр.
Бетинги сатма, малынгы сат.
Эте билген, этген этеди, эте билмеген, юретген этеди!
Сабийни джумушха джибер да, ызындан бар.
Гырджын – тепсини тамадасы.
Келинин тута билмеген, къул этер, къызын тута билмеген, тул этер.
Атынг аманнга чыкъгъандан эсе, джанынг тамагъынгдан чыкъсын.
Алтыннга тот къонмаз.
Тойгъан джерден туугъан джер игиди.
Аллахха ийнаннган кишини, Аллах онгдурур ишин.
Тамчы таш тешер.
Къаллай салам берсенг, аллай джууаб алырса.
Таякъ этден ётер, тил сюекден ётер.
Кёбден умут этиб, аздан къуру къалма.
Къарны аманнга къазан такъдырма, къолу аманнга от джакъдырма.
Байма, деб да, къууанма, джарлыма, деб да, джылама.
Кёкдеги болмаса, джердегин кёрмейди.
Аурууну келиую тынч, кетиую – къыйын.
Ауузу аманнга «иги», деме.
Эр абынмай, эл танымаз.
Бал ашаргъа сюе эсенг, чибин ургъаннга тёз.
Тёзгеннге, джабылгъан эшик ачылыр.

Логин:	Регистрация

Пароль:	Забыли пароль?

Запомнить меня

Аудио

Джашау джолунгда

Скачать

Адрес