Аудио :: Аудио:: Къара кюбюр

Артына баргъанны, къатына барма.
Эринчекге кюн узун.
Сыфатында болмагъаны, суратында болмаз.
Къыз чыгъаргъан – къызыл къымжа.
Бал ашаргъа сюе эсенг, чибин ургъаннга тёз.
Ата – билек, ана – джюрек!
Аджалсыз ёлюм болмаз.
Тойну къарнашы – харс, джырны къарнашы – эжиу.
Юйюнг бла джау болгъандан эсе, элинг бла джау бол.
Айырылмаз джууугъунга, унутмаз сёзню айтма.
Эртде тургъан джылкъычыны эркек аты тай табар.
Чабар ат – джетген къыз.
Ариу сёз аурууунгу алыр.
Кёл – къызбай, къол – батыр.
«Ма», - дегенни билмесенг, «бер», - дегенни билмезсе.
Чарсда алчыны эл кёреди.
Арбаз сайлама да, хоншу сайла.
Къайгъы тюбю – тенгиз.
Киштикге къанат битсе, чыпчыкъ къалмаз эди.
Тау башында, тау болмаз, джангыз терек, бау болмаз.
Аман хансны – урлугъу кёб.
Тюзлюк шохлукъну бегитир.
Адебсиз адам – джюгенсиз ат.
Билмейме деген – бир сёз
Акъдан къара болмаз.
Бир онгсуз адам адет чыгъарды, деб эштирик тюлсе.
Ашхы – джыяр, аман – джояр.
Аджашхан тёгерек айланыр.
Байлыкъ тауусулур, билим тауусулмаз.
Тойгъан джерге джети къайт.
Къарт айтханны этмеген, къартаймаз.
Кёбню кёрген – кёб билир.
Бойнуму джети джерден кессенг да, мен ол ишни этеллик тюлме.
Джюрек кёзден алгъа кёрюр.
Ариу сёз – джаннга азыкъ, аман сёз – башха къазыкъ.
Ач къарным, тынч къулагъым.
Ишин билген, аны сыйын чыгъарады.
Джашлыкъ этмеген, башлыкъ этмез.
Къарт болгъан джерде, берекет болур, сабий болгъан джерде, оюн болур.
Намысы болмагъанны, сыйы болмаз.
Къар – келтирди, суу – элтди.
Ата Джуртун танымагъан, атасын да танымаз.
Хансыз джомакъ болмаз.
Накъырда – кертини келечиси.
Мухар, кеси тойса да, кёзю тоймаз.
Кийим тукъум сордурур.
Джарлы эскисин джамаса, къууаныр.
Ана къолу ачытмаз.
Ашхы адам – халкъ байлыгъы, ашхы джер – джашау байлыгъы.
Тилде сюек болмаса да, сюек сындырыр.

Логин:	Регистрация

Пароль:	Забыли пароль?

Запомнить меня

Аудио

Къара кюбюр

Скачать

Адрес