Песен: 44 Создан:
10.02.2016 Обновлен:
10.02.2016
| 20 Мая | 2024 года |
Навигация
- Джаш къарыу бла кючлю, къарт акъыл бла кючлю.
- Къатын байлыкъны сюер, эр саулукъну сюер.
- Окъдан джара эртде-кеч болса да бителир, сёз джара, ёмюрге къалыр.
- Адамны сабийин сюйген джюреги, бычакъча, джитиди.
- Борчунг бар эсе, хурджунунга ойлаб узал.
- Джашынгы кесинг юретмесенг, джашау юретир.
- Къошда джокъгъа – юлюш джокъ.
- Биреуге аманлыкъны тилеме да, кесинге ашхылыкъны тиле.
- Келинин тута билмеген, къул этер, къызын тута билмеген, тул этер.
- Сескекли кесин билдирир.
- Юйлю уругъа ит чабмаз.
- Кёз – сюйген джерде, къол – ауругъан джерде.
- Аман киши кеси юйюнде – къонакъ.
- Агъач халкъгъа алтынды, иссиликге салкъынды.
- Окъумагъан сокъурду, сокъур ташха абыныр!
- Кёб къычыргъандан – къоркъма, тынч олтургъандан – къоркъ.
- Берекет берсин деген джерде, берекет болур.
- Орну джокъну – сыйы джокъ.
- Ач къарным, тынч къулагъым.
- Джуртун къоругъан озар.
- Суугъа – таянма, джаугъа – ийнанма.
- Башсыз урчукъ тюзюне айланмаз.
- Нарт сёз – тилни бети.
- Джогъун бар этген, барын бал этген.
- Ашхы сёз таш тешер.
- Арыгъан къош чамчы болур.
- Ханы къызы буюгъа-буюгъа киштик болду.
- Мураты болгъанны джюрек тебюую башхады.
- Кийим тукъум сордурур.
- Аманнга игилик этсенг, юйюнге сау бармазса.
- Ишни ахырын ойламай, аллын башлама.
- Эрни эр этерик да, къара джер этерик да, тиширыуду.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эки къатын алгъанны къулагъы тынгнгаймаз.
- Ётген ёмюр – акъгъан суу.
- Аякъларынгы джууургъанынга кёре узат.
- Иги адамны бир сёзю эки болмаз.
- Билим ат болуб да чабар, къуш болуб да учар.
- Джюрек кёзден алгъа кёрюр.
- Чабакъсыз кёлге къармакъ салгъанлыкъгъа, чабакъ тутмазса.
- Ауругъан – джашаудан умутчу.
- Гитче джилтин уллу элни джандырыр.
- Ханнга да келеди хариблик.
- Тешигини къатында, чычхан да батыр болур.
- Биреуню къыйынлыгъы бла кесинге джол ишлеме.
- Ёлген ийнек сютлю болур.
- Акъылсызны джууукъгъа алма, акъыллыны кенгнге салма.
- Къобан да къуру да къобханлай турмайды, адам да къуру да патчахлай турмайды.
- Тили узунну, намысы – къысха.
- Сабийни джумушха джибер да, ызындан бар.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
