Песен: 49 Создан:
10.06.2016 Обновлен:
10.06.2016
| 20 Мая | 2024 года |
Навигация
- Алтыннга тот къонмаз.
- Артына баргъанны, къатына барма.
- Харам къарнашдан, халал тенг ашхы.
- Юйюнг бла джау болгъандан эсе, элинг бла джау бол.
- Акъыллы башны – тили къысха.
- Къарт айтханны этмеген, къартаймаз.
- Ёлген эшек бёрюден къоркъмайды.
- Ашатыргъа иш – ашхы, ишлетирге аш – ашхы.
- Кечеси – аяз, кюню – къыш, джарлы къаргъагъа бир аш тюш!
- Эски джаугъа ышанма.
- Тенгни тенглиги джашай барсанг билинир.
- Ёлген аслан – сау чычхан.
- Тойгъа барсанг, тоюб бар, эски тонунгу къоюб бар.
- Сормай – алма, чакъырылмай – барма.
- «Ёгюз, джаргъа джууукъ барма, меннге джюк боллукъса», - дегенди эшек.
- Ушамагъан – джукъмаз.
- Ариу сёз аурууунгу алыр.
- Уллу айтханны этмеген – уллаймаз.
- Тилчиден кери бол.
- Айраннга суу къош, телиге джол бош.
- Джылкъыдан – ат чыгъар, тукъумдан – джаш чыгъар.
- Къызбайны юйюне дери сюрсенг, батыр болур.
- Адебсиз адам – джюгенсиз ат.
- Кёкдеги болмаса, джердегин кёрмейди.
- Джашда акъыл джокъ, къартда къарыу джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ичимден чыкъды хата, къайры барайым сата?
- Тенгинг джокъ эсе – изле, бар эсе – сакъла!
- Эм уллу байлыкъ – джан саулукъ.
- Окъ къызбайны джокълайды.
- Ким бла джюрюсенг, аны кёзю бла кёрюнюрсе.
- Мухардан ач ычхынмаз.
- Алма терегинден кери кетмез.
- Джолунга кёре – джюрюшюнг, джагъанга кёре – юлюшюнг.
- Орундукъ тюбюнде атылсам да, орта джиликме, де да айлан.
- Биреу ашаб къутулур, биреу джалаб тутулур.
- Танг атмайма десе да, кюн къоярыкъ тюйюлдю.
- Къолу уллу – асыу, аягъы уллу – джарсыу.
- Айтылгъан сёз ызына къайтмаз.
- Сютню башын джалагъан къутулур, тюбюн ичген тутулур.
- Билимли ёлмез, билимсиз кёрмез.
- Атлыны кёрсе, джаяуну буту талыр.
- Терслик кетер, тюзлюк джетер.
- Хансыз джомакъ болмаз.
- Азыкъ аз болса, эртде орун сал.
- Ёлюк кебинсиз къалмаз.
- Кёзню ачылгъаны – иги, ауузну джабылгъаны – иги.
- Джеринден айырылгъан – джети джылар, джуртундан айырылгъан – ёлгюнчю джылар.
- Келлик заман – къартлыкъ келтирир, кетген заман – джашлыкъ ёлтюрюр.
- Окъуу – билимни ачхычы, окъуу – дунияны бачхычы.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
