Аудио :: Аудио:: Тузакъ

Къонакъ аман болса, къонакъбай джунчур
Биреуню къыйынлыгъы бла кесинге джол ишлеме.
Бал – татлы, балдан да бала – татлы.
Ойнай-ойнай кёз чыгъар.
Тамбла алтындан бюгюн багъыр ашхы.
Хазыр ашха – терен къашыкъ.
Акъыл къартда, джашда тюйюлдю – башдады.
Алим болгъандан эсе, адам болгъан къыйынды.
Ачыкъ джюрекге джол – ачыкъ.
Акъыллы айтыр эди, акъылсыз къоймайды.
Кюлме джашха – келир башха.
Чарсда алчыны эл кёреди.
Айраннга суу къош, телиге джол бош.
Джашда акъыл джокъ, къартда къарыу джокъ.
Къартны сыйын кёрмеген, къартлыгъында сыйлы болмаз.
Башы ишлегенни, ауузу да ишлер.
Айран тёгюлсе, джугъусу къалыр.
Къонакъ кёб келюучю юйню, къазаны отдан тюшмез.
Айранны сюйген, ийнек тутар.
Ышармагъан – кюлмез, кюлмеген – къууанчны билмез.
Тюз сёз баргъан сууну тыяр.
Асхат ашлыкъ сата, юйдегиси ачдан къата.
Айтханы чапыракъдан ётмеген.
Адамны артындан къара сабан сюрме.
Тилсиз миллет джокъ болур.
Ётюрюкчюню шагъаты – къатында.
Юйлю уругъа ит чабмаз.
Эм уллу байлыкъ – джан саулукъ.
Джумушакъ сёз къаты таякъны сындырыр.
Къартха ушагъан джаш – акъыллы, джашха ушагъан къарт – тели.
Ишни аллы бла къууанма да, арты бла къууан.
Къоркъакъны кёзю экили кёрюр.
Чоюнну башы ачыкъ болса, итге уят керекди.
Сангырау къулакъ эл бузар.
Иши джокъну, сыйы джокъ.
Сабыр джетер муратха, сабырсыз къалыр уятха.
Тёзген – тёш ашар!
Сёлеш деб шай берген, тохта деб, сом берген.
Аманнга алтын чыдамаз.
Адам боллукъ, атламындан белгили болур.
Сабий болмагъан джерде, мёлек болмаз.
Билеги кючлю, бирни джыгъар, билими кючлю, мингни джыгъар.
Юре билмеген ит, къонакъ келтирир.
Эл ауузу – элек, анга ийнаннган – халек.
Орундукъ тюбюнде атылсам да, орта джиликме, де да айлан.
Бастасын ашагъан, хантусун да ичер.
Къайгъы тюбю – тенгиз.
Ата джурт – алтын бешик.
Аз сёлеш, кёб ишле.
Сууда джау джокъ, кёб сёзде магъана джокъ.

Логин:	Регистрация

Пароль:	Забыли пароль?

Запомнить меня

Аудио

Тузакъ

Скачать

Адрес