Аудио :: Аудио:: Чу-чу чуала

Биреуню эскиси биреуге джангы болмайды.
Кеси юйюмде мен да ханма.
Кечеси – аяз, кюню – къыш, джарлы къаргъагъа бир аш тюш!
Хар зат кесини орнуна иги.
Айран тёгюлсе, джугъусу къалыр.
Эски джаугъа ышанма.
Азыгъы аз, алгъа къабар, аты аман, алгъа чабар.
Джангыз торгъай джырламаз.
Эллинг бла джау болсанг да, юйюнг бла джау болма.
Ачыкъ джюрекге джол – ачыкъ.
Сабий кёргенин унутмаз.
Къошда джокъгъа – юлюш джокъ.
Адамны сабийин сюйген джюреги, бычакъча, джитиди.
Аман адамны тепсинге олтуртсанг, къызынгы тилер.
Тенгни тенглиги джашай барсанг билинир.
Аман къатын сабий табса, бий болур…
Сакъламагъан затынга джолукъсанг, не бек къууанаса, не бек ачыйса.
Аз айтсам, кёб ангылагъыз.
Атынг аманнга чыкъгъандан эсе, джанынг тамагъынгдан чыкъсын.
Иги адам абынса да, джангылмаз.
Айраннга суу къош, телиге джол бош.
Къозулугъунда тоймагъан, къойлугъунда тоймаз.
Джюрекге ариу – кёзге да ариу.
Джангызны оту джарыкъ джанмаз!
Босагъагъа джууукъ орун болса, ашыгъыб тёрге озма.
Бозанг болмагъан джерге, къалагъынгы сукъма.
Сормай – алма, чакъырылмай – барма.
Эринчекни эр алмаз, эр алса да, кёл салмаз, кёл салса да, кёб бармаз!
Ариу сёз аурууунгу алыр.
Чабакъгъа акъыл, табагъа тюшсе келеди.
Хар ишни да аллы къыйынды.
Эки къатын алгъан – эки ташны ортасына башын салгъан.
Кёпюр салгъан кеси ётер, уру къазгъан кеси кетер.
Чёбню кёлтюрсенг, тюбюнден сёз чыгъар.
Джарлы джети элни сёзюн этер.
Дуния мал дунияда къалады.
Адамны адамлыгъы къыйынлыкъда айгъакъланады.
Юйлю уругъа ит чабмаз.
Тойгъандан сора, ашны сёкме.
Чакъырылмагъан къонакъ тёрге атламаз.
Чомарт къонакъ юй иесин сыйлар.
Аджаллыгъа окъсуз шкок атылыр.
Тёзгеннге, джабылгъан эшик ачылыр.
Мураты болгъанны джюрек тебюую башхады.
Айыбны суу бла джууалмазса.
Ашарыкъда сайлагъаннга – чий гырджын.
Байлыкъ келсе, акъыл кетер.
Арыгъан къош чамчы болур.
Иесиз малны бёрю ашар.
Къазанчы аман болса, къазаны къайнамаз.

Логин:	Регистрация

Пароль:	Забыли пароль?

Запомнить меня

Аудио

Чу-чу чуала

Скачать

Адрес