Аудио :: Аудио:: Мы жили рядышком с Граалем

Айырылгъанланы айю ашар, бёлюннгенлени бёрю ашар.
Кёл – къызбай, къол – батыр.
Хар ишни да аллы къыйынды.
Къазанчы аман болса, къазаны къайнамаз.
Ауругъан – джашаудан умутчу.
Уллу суу бла уллу ауруудан башынгы сакъла.
Ашыкъгъан cуу, тенгизге джетмез.
Джолда аягъынга сакъ бол, ушакъда тилинге сакъ бол.
Тик ёргени, тик энгишгеси да болады.
Тюзню ётмеги тюзде къалса да, тас болмаз.
Арбаз сайлама да, хоншу сайла.
Аякъларынгы джууургъанынга кёре узат.
Тай асырагъан, атха минер.
Къарыусузгъа кюлме, онгсузгъа тийме.
Ишленмеген джаш – джюгенсиз ат, ишленмеген къыз – тузсуз хант.
Аман адам этегингден тутса, кес да къач.
Ашхы – джыяр, аман – джояр.
Мураты болгъанны джюрек тебюую башхады.
Нарт сёз къарт болмаз.
Юйюнгден чыкъдынг – кюнюнгден чыкъдынг.
Биреуге аманлыкъ этиб, кесинге игилик табмазса.
Кирсизни – саны таза, халалны – къаны таза.
Сёлеш деб шай берген, тохта деб, сом берген.
Баш болса, бёрк табылыр.
Уллу сёлешме да, уллу къаб.
Ёмюрлюк шохлукъну джел элтмез.
Билмегенинги, билгеннге сор.
Алгъанда – джууукъ, бергенде – джау.
Байны къызы баймакъ болса да, юйде къалмаз!
Тели турса – той бузар.
Башда акъыл болмаса, эки аякъгъа кюч джетер.
Бёрю да ач къалмасын, эчки да ашалмасын.
Баш – акъыл ючюн, акъылман – халкъ ючюн.
Тыш элде солтан болгъандан эсе, кесинги элде олтан болгъан игиди!
Джылыгъа джылан илешир.
Эри аманны, къатыны – аман.
Къралынгы – душмандан, башынгы от бла суудан сакъла.
Къарт бла баш аша, джаш бла аякъ аша.
Таукелге нюр джауар.
Ач бёрюге мекям джокъ.
Тил бла келеди джыр да.
Дженгил джетерикме деб, узун джолну къоюб, къысхасын барма.
Биреуню тёрюнден, кесинги эшик артынг игиди.
Хансыз джомакъ болмаз.
Ана къолу ачытмаз.
От этилмеген джерден тютюн чыкъмайды.
Акъыллы – эл иеси, тели – эл баласы.
Гитче джилтин уллу элни джандырыр.
Кёзю сокъурдан – къоркъма, кёлю сокъурдан – къоркъ.
Халкъгъа джарагъан, джарлы къалмаз.

Логин:	Регистрация

Пароль:	Забыли пароль?

Запомнить меня

Аудио

Мы жили рядышком с Граалем

Скачать

Адрес