Аудио :: Аудио:: Зурнукла къайтырла

Къыз келсе, джумуш эте келеди, къатын келсе, ушакъ эте келеди.
Айтхан – тынч, этген – къыйын.
Ашхылыкъ джерде джатмайды, аманлыкъ суугъа батмайды.
Аман эсирсе, юйюн ояр.
Зарда марда джокъ.
Ашыкъгъан cуу, тенгизге джетмез.
Акъылсызны джууукъгъа алма, акъыллыны кенгнге салма.
Кесине оноу эте билмеген, халкъына да эте билмез.
Сескекли кесин билдирир.
Тёзген – тёш ашар!
Ашха уста, юйюнде болсун
Ашыкъгъанны этеги бутуна чырмалыр.
Къалгъан ишге къар джауар.
Эринчекни аурууу – кёб.
Тилсиз миллет джокъ болур.
Хантына кёре тузу, юйюне кёре къызы.
Тюзлюк тас болмайды.
Хатерли къул болур.
Къонакъ хазыр болгъанлыкъгъа, къонакъбай хазыр тюлдю.
Иши джокъну, сыйы джокъ.
Адамны бетине къарама, адетине къара.
Байлыкъ адамны сокъур этер.
Кесинге джетмегенни, кёб сёлешме.
Кёзюнде тереги болгъан, чёбю болгъаннга кюле эди.
Джиби бир къат джетмей эди да, эки къат тарта эди.
Къызны минг тилер, бир алыр.
Тынгылагъан тынгы бузар.
Чарсда алчыны эл кёреди.
Акъыл неден да кючлюдю.
Адебсиз адам – джюгенсиз ат.
Ёксюзню къалачы уллу кёрюнюр.
Джигер – джаннга къыйынлыкъ.
Ашхы болсанг, атынг чыгъар, аман болсанг, джанынг чыгъар.
Джырчы джырчыгъа – къарнаш.
Ашын ашагъанынгы, башын да сыйла.
Адам боллукъ, атламындан белгили болур.
Элиб деген, элге болушур.
Къыйынлы джети элни къайгъысын этер.
Джылар джаш, атасыны сакъалы бла ойнар.
Билими азны – ауузунда кирит.
Тёгюлген тюгел джыйылмайды.
Къулакъдан эсе, кёзге ышан.
Аджашханны ызындагъы кёреди, джангылгъанны джанындагъы биледи.
Уллу къазанда бишген эт, чий къалмаз.
Къобан да къуру да къобханлай турмайды, адам да къуру да патчахлай турмайды.
Огъурлуну сёзю – суу, огъурсузну сёзю – уу.
«Ма», - дегенни билмесенг, «бер», - дегенни билмезсе.
Эл элде бирер малынг болгъандан эсе, бирер тенгинг болсун.
Ата – билек, ана – джюрек!
Джауумдан сора, кюн кюйдюрюр, ётюрюкден сора, айыб кюйдюрюр.

Логин:	Регистрация

Пароль:	Забыли пароль?

Запомнить меня

Аудио

Зурнукла къайтырла

Скачать

Адрес