Аудио :: Аудио:: Хубиев Хасан

Айыбны суу бла джууалмазса.
Халкъгъа джарагъан, джарлы къалмаз.
Ышармагъан – кюлмез, кюлмеген – къууанчны билмез.
Ата Джуртча джер болмаз, туугъан элча эл болмаз.
Эл ауузу – элия.
Рысхы – сют юсюнде кёмюк кибикди.
Келгинчи, къонакъ уялыр, келгенден сора, къонакъбай уялыр.
Ауругъаннга – кийик саулукъ, джетген къызгъа – чилле джаулукъ.
Кёпюр салгъан кеси ётер, уру къазгъан кеси кетер.
Ёлмесенг да, къарт дамы болмазса?
Чабакъ башындан чирийди.
Ётюрюкчюню шагъаты – къатында.
Бозаны арты дауур болур.
Эте билген, этген этеди, эте билмеген, юретген этеди!
Накъырда – кертини келечиси.
Тёрени джагъы джокъ.
Алтыда кюлмеген, алтмышда кюлмез.
Окъугъанны бети джарыкъ.
Биреуню къыйынлыгъы бла кесинге джол ишлеме.
Къыз чыгъаргъан – къызыл къымжа.
Къонакъ болсанг, ийнакъ бол.
От кюйдюрген, сау болса да, тот кюйдюрген, сау болмаз.
Къонагъы джокъну – шоху джокъ.
Экиндини кеч къылсанг, чабыб джетер ашхам.
Билгенни къолу къарны джандырыр.
Азыкълы ат арымаз, къатыны аман джарымаз.
Чомарт джарлы болмаз.
Арбаз къынгырды да, ийнек сауалмайма.
Джогъун бар этген, барын бал этген.
Билмейме деген – бир сёз
Окъуу – билимни ачхычы, окъуу – дунияны бачхычы.
Адамгъа аман кюн соруб келмейди.
Къызны минг тилер, бир алыр.
Нёгерсизни джолу узун.
Кёзню ачылгъаны – иги, ауузну джабылгъаны – иги.
Эли джокъну – кёлю джокъ.
Эшекге миннген – биринчи айыб, андан джыгъылгъан – экинчи айыб.
Сёз садакъдан кючлюдю.
Атлыны кёрсе, джаяуну буту талыр.
Уясында не кёрсе, учханында аны этер.
Байлыкъ тауусулур, билим тауусулмаз.
Башы джабылгъан челекге, кир тюшмез.
Тамырсыз терекге таянма – джыгъылырса.
Адамны сабийин сюйген джюреги, бычакъча, джитиди.
Адам бла мюлк юлешмеген эсенг, ол адамны билиб бошагъанма, деб кесинги алдама.
Биреу ашаб къутулур, биреу джалаб тутулур.
Къазанны башы ачыкъ болса, итге уят керекди.
Мухар, кеси тойса да, кёзю тоймаз.
Хар адамгъа кеси миннген тау кибик.
Къаллай салам берсенг, аллай джууаб алырса.

Логин:	Регистрация

Пароль:	Забыли пароль?

Запомнить меня

Аудио

Хубиев Хасан

Скачать

Адрес