Аудио :: Аудио:: Узденов Сафар

Гугук кесини атын айтыб къычыргъанча, мен, мен деб нек тураса?
Чабакъсыз кёлге къармакъ салгъанлыкъгъа, чабакъ тутмазса.
Сабий болмагъан джерде, мёлек болмаз.
Билимли ёлмез, билимсиз кёрмез.
Къуллукъчума, деб махтанма, къуллукъ – хаух джамчыды!
Шайтан алдады, тюзлюк къаргъады.
Уллу сёлешме да, уллу къаб.
Ана кёлю – балада, бала кёлю – талада.
Тенги кёбню джау алмаз, акъылы кёбню дау алмаз.
Аз сёлеш, кёб ишле.
Артына баргъанны, къатына барма.
Чалманны аллы къалай башланса, арты да алай барады.
Джигер – джаннга къыйынлыкъ.
Бети бедерден, намыс сакълама.
Орну джокъну – сыйы джокъ.
Ётюрюк хапар аякъ тюбю бла джюрюйдю.
Чомартны къолу берекет.
Ашхы тенг джолгъа салыр, аман тенг джолдан тайдырыр.
Юйюнг бла джау болгъандан эсе, элинг бла джау бол.
Кесинг сынамагъан затны, адамгъа буюрма.
Берекет берсин деген джерде, берекет болур.
Тыш элде солтан болгъандан эсе, кесинги элде олтан болгъан игиди!
Окъумагъан сокъурду, сокъур ташха абыныр!
Къазанда болса, чолпугъа чыгъар.
Мал кёб болса, джууукъ кёб болур.
Бет бетге къараса, бет да джерге къарар.
Ата – баланы уясы.
Танг атмайма десе да, кюн къоярыкъ тюйюлдю.
Билмезни кёзю кёрмез, этмезни къулагъы эшитмез.
Адам сёзюнден белгили.
Ашхы болсанг, атынг чыгъар, аман болсанг, джанынг чыгъар.
Къонакъ аман болса, къонакъбай джунчур
Къарт айтханны этмеген, къартаймаз.
Келгинчи, къонакъ уялыр, келгенден сора, къонакъбай уялыр.
Сескекли кесин билдирир.
Къууут – джелге, берне – бошха.
Аз айтсам, кёб ангылагъыз.
Халкъгъа джарагъан, джарлы къалмаз.
Кёб ант этген, кёб ётюрюк айтыр.
От этилмеген джерден тютюн чыкъмайды.
Адамны аманы адамны бети бла ойнар.
Акъыллы эркиши атын махтар, акъылсыз эркиши къатынын махтар.
Къайтырыкъ эшигинги, къаты уруб чыкъма.
Босагъа таш юйге кирмей эди, тыбыр таш эшикге чыкъмай эди.
Айран тёгюлсе, джугъусу къалыр.
Биреуню тёрюнден, кесинги эшик артынг игиди.
Орундукъ тюбюнде атылсам да, орта джиликме, де да айлан.
Аджашханны ызындагъы кёреди, джангылгъанны джанындагъы биледи.
Таукел тауну аудурур.
Кёзюнде тереги болгъан, чёбю болгъаннга кюле эди.

Логин:	Регистрация

Пароль:	Забыли пароль?

Запомнить меня

Аудио

Узденов Сафар

Скачать

Адрес