Песен: 72 Создан:
06.05.2015 Обновлен:
06.05.2015
| 30 Мая | 2024 года |
Навигация
- Аякъларынгы джууургъанынга кёре узат.
- Ёксюзню къалачы уллу кёрюнюр.
- Сангырау къулакъ эл бузар.
- Аман киши кеси юйюнде – къонакъ.
- Къарнынг къанлынга кийирир.
- Къарт болгъан джерде, берекет болур, сабий болгъан джерде, оюн болур.
- Келинин тута билмеген, къул этер, къызын тута билмеген, тул этер.
- Хар зат кесини орнуна иги.
- Сагъышы джокъ – джукъучу, акъылы джокъ – къаугъачы.
- Къонакъ аз олтурур, кёб сынар.
- Элиб деген, элге болушур.
- Ёлюк кебинсиз къалмаз.
- Кимни – тили, тиши онглу, кимни – къолу, иши онглу.
- Джарлы эскисин джамаса, къууаныр.
- Кёзю сокъурдан – къоркъма, кёлю сокъурдан – къоркъ.
- Джангыз терек къынгыр ёсер.
- Олтуруб кёрюнмей эди да, ёрге туруб кёрюне эди.
- Иги джашны ышаны – аз сёлешиб, кёб тынгылар.
- Халкъны юйю – туугъан джери.
- Нёгерсизни джолу узун.
- Къызны минг тилер, бир алыр.
- Дуния малгъа сатылма, кесингден телиге къатылма.
- Этек чакъмакълары баш джаргъан, сёлешген сёзлери таш джаргъан.
- Адам сёзге тынгыла, акъыл сёзню ангыла.
- Накъырданы арты керти болур.
- Атадан ёксюз – бир ёксюз, анадан ёксюз – эки ёксюз.
- Тилде сюек болмаса да, сюек сындырыр.
- Бозанг болмагъан джерге, къалагъынгы сукъма.
- Тенги кёбню джау алмаз, акъылы кёбню дау алмаз.
- Кёпюр салгъан кеси ётер, уру къазгъан кеси кетер.
- Ашхы сёз таш тешер.
- Агъач – джерни чырайы, кийим – эрни чырайы.
- Атлыны кёрсе, джаяуну буту талыр.
- Ашхы адам – халкъ байлыгъы, ашхы джер – джашау байлыгъы.
- Байлыкъдан саулукъ ашхыды.
- Иги сеники эсе да, сюйген кесимикин этеме.
- Аджаллыгъа окъсуз шкок атылыр.
- Ата Джуртуму башы болмасам да, босагъасында ташы болайым.
- Ариуну – ауруу кёб.
- Байдан умут эте, джарлыдан ёгюз багъасы къорады.
- Кёб ант этген, кёб ётюрюк айтыр.
- Хунаны тюбюн къазсанг, юсюнге ауар.
- Чомартны къолу берекет.
- Къартха ушагъан джаш – акъыллы, джашха ушагъан къарт – тели.
- Джыланны къуйругъундан басарынг келсе, аны башы болгъанын унутма.
- Джолунга кёре – джюрюшюнг, джагъанга кёре – юлюшюнг.
- Къазанны башы ачыкъ болса, итге уят керекди.
- Чарсда алчыны эл кёреди.
- Кёбге таш атма.
- Болджал ишни бёрю ашар.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
