Аудио :: Аудио:: Отаров О

Эл тойса, тоймагъан, эл къойса, къоймагъан.
Иесиз малны бёрю ашар.
Билимсиз иш бармаз.
Эрине къаргъыш этген къатын, эрнин къабар.
Мадар болса, къадар болур.
Кесинг сынамагъан затны, адамгъа буюрма.
Кёрмегеннге кебек – танг, битмегеннге сакъал – танг.
Ашаса, ашамаса да, бёрюню ауузу – къан.
Ариу сёз джыланны орнундан чыгъарыр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Эл бла кёргенинг эрелей.
Намысы джокъну – дуниясы джокъ.
Танг атмайма десе да, кюн къоярыкъ тюйюлдю.
Тёзгеннге, джабылгъан эшик ачылыр.
Алим болгъандан эсе, адам болгъан къыйынды.
Джылар джаш, атасыны сакъалы бла ойнар.
Кёзюнде тереги болгъан, чёбю болгъаннга кюле эди.
Накъырданы арты керти болур.
Аджашханны ызындагъы кёреди, джангылгъанны джанындагъы биледи.
Джарлы тюеге минсе да, ит къабар.
Джиби бир къат джетмей эди да, эки къат тарта эди.
Чомарт бергенин айтмаз.
Адамны аманы адамны бети бла ойнар.
Тили узунну, намысы – къысха.
Тил – миллетни джаны.
Хар ишни да аллы къыйынды.
Чомартны къолун джокълукъ байлар.
Минг тенг да азды, бир джау да кёбдю.
Джашынгы кесинг юретмесенг, джашау юретир.
Башынга джетмегенни сорма.
Ёлген эшек бёрюден къоркъмайды.
Джигер – джаннга къыйынлыкъ.
Гитче джилтин уллу элни джандырыр.
Хатерли къул болур.
Аманнга игилик этсенг, юйюнге сау бармазса.
Къонакъ аз олтурур, кёб сынар.
Аз сёлешген, къайгъысыз турур.
Биреуню тёрюнден, кесинги эшик артынг игиди.
Уясында не кёрсе, учханында аны этер.
Билмегенинги, билгеннге сор.
Акъыллы – эл иеси, тели – эл баласы.
Къатын байлыкъны сюер, эр саулукъну сюер.
Итли къонакъ джарашмаз.
Тау башында, тау болмаз, джангыз терек, бау болмаз.
Ханнга да келеди хариблик.
Мени джылытмагъан кюн, меннге тиймесин!
Ишлерге уял да, ашаргъа табма.
Ашхы тенг джолгъа салыр, аман тенг джолдан тайдырыр.
Ауузу аманнга «иги», деме.
Босагъагъа джууукъ орун болса, ашыгъыб тёрге озма.

Логин:	Регистрация

Пароль:	Забыли пароль?

Запомнить меня

Аудио

Отаров О

Скачать

Адрес