Аудио :: Аудио:: Козбаева А

Дууулдаса – бал чибин, къонса – къара чибин.
Аллахха ийнаннган кишини, Аллах онгдурур ишин.
Рысхы джалгъанды: келген да этер, кетген да этер.
Элде адам къалмаса, ит тахтагъа минер.
Арбаз къынгырды да, ийнек сауалмайма.
Акъыллы башны – тили къысха.
Аш иеси бла татлыды.
Аман адам элни бир-бирине джау этер.
Аманнга игилик этсенг, юйюнге сау бармазса.
Чабакъсыз кёлге къармакъ салгъанлыкъгъа, чабакъ тутмазса.
Хазыр ашха – терен къашыкъ.
Бал чибинни ургъаны – ачы, балы – татлы.
Эл ауузу – элек, анга ийнаннган – халек.
Шайтан алдады, тюзлюк къаргъады.
Кёлю джокъну – джолу джокъ.
Билимсиз иш бармаз.
Тилчи бир сагъатха айлыкъ хата этер.
Уллу къазанда бишген эт, чий къалмаз.
Иги болса, тамадама – махтау, аман болса, меннге – айыб.
Айтхан сёзюне табылгъан.
Телиге от эт десенг, юйюнге от салыр.
Джырына кёре эжиую.
Дженгил джетерикме деб, узун джолну къоюб, къысхасын барма.
Джарлыны эшигин махтагъан джабар.
Тенгни тенглиги джашай барсанг билинир.
Мал ёлсе, сюек къалыр, адам ёлсе, иши къалыр.
Кёкдеги болмаса, джердегин кёрмейди.
Джюз элде джюз ёгюзюм болгъандан эсе, джюз джууугъум болсун.
Чомартны къолун джокълукъ байлар.
Джангызны оту джарыкъ джанмаз!
Уллу къашыкъ эрин джыртар.
Ашын ашагъанынгы, башын да сыйла.
Эки элинги тыйсанг, джети элде махталырса.
Ариу джол аджал келтирмез.
Чалманны аллы къалай башланса, арты да алай барады.
Айран тёгюлсе, джугъусу къалыр.
Ойнай билмеген, оюн бузар.
Сабыр джетер муратха, сабырсыз къалыр уятха.
Ачны эсинде – аш.
Ач келгенни – тойдур, кеч келгенни – къондур.
Ач отунчуну ачыуу – бурнунда.
Тюзню ётмеги тюзде къалса да, тас болмаз.
Аман адам этегингден тутса, кес да къач.
Суу ичген шауданынга тюкюрме.
Аманны къуугъан, аманлыкъ табар.
Къозулугъунда тоймагъан, къойлугъунда тоймаз.
Къарнынг къанлынга кийирир.
Эли джокъну – кёлю джокъ.
Чомарт къолда мал къалмаз.
Тулпарлыкъ, билекден тюл – джюрекден.

Логин:	Регистрация

Пароль:	Забыли пароль?

Запомнить меня

Аудио

Козбаева А

Скачать

Адрес