Аудио :: Аудио:: Карачаева А

Аз сёлеш, кёб ишле.
Хоншуну тауугъу къаз кёрюнюр, келини къыз кёрюнюр.
Ата Джуртча джер болмаз, туугъан элча эл болмаз.
Ариуну – ауруу кёб.
Эки къатын алгъан – эки ташны ортасына башын салгъан.
Халкъгъа джарагъан, джарлы къалмаз.
Алтыннга тот къонмаз.
Рысхы джалгъанды: келген да этер, кетген да этер.
Ётюрюк хапар аякъ тюбю бла джюрюйдю.
Аманны тукъумуна къарама, игини тукъумун сорма.
Тойгъан джерге джети къайт.
Джашда акъыл джокъ, къартда къарыу джокъ.
Онгсузну – джакъла, тенгликни – сакъла.
Мени джылытмагъан кюн, меннге тиймесин!
Джюрекге ариу – кёзге да ариу.
Эллинг бла джау болсанг да, юйюнг бла джау болма.
Ёгюзню мюйюзюнден тутадыла, адамны сёзюнден тутадыла.
Къайгъы тюбю – тенгиз.
Гугурук къычырмаса да, тангны атары къалмаз.
Эринчекге кюн узун.
Джашны джигитлиги сорулур, къызны джигерлиги сорулур.
Тойгъа алгъа да барма, тойда артха да къалма.
Адамны джюреги нени кёрюрге сюйсе, кёзю да аны кёрюрге ёч болады.
Ач къарынны, токъ билмез
Чакъырылмай келген къонакъ сыйланмай кетер.
Кёзден кетген, кёлден да кетеди.
Кёпюр салгъан кеси ётер, уру къазгъан кеси кетер.
Сабий болмагъан джерде, мёлек болмаз.
Кесине гебен этелмеген, биреуге черен эте эди.
Окъугъан озар, окъумагъан тозар.
Хазыр ашха – терен къашыкъ.
Хар ишни да аллы къыйынды.
Къонагъы джокъну – шоху джокъ.
Къар – келтирди, суу – элтди.
Чомартха хар кюн да байрамды.
Аз айтсам, кёб ангылагъыз.
Адебни адебсизден юрен.
Къобан да къуру да къобханлай турмайды, адам да къуру да патчахлай турмайды.
Билимли ёлмез, билимсиз кёрмез.
Аджаллыгъа окъсуз шкок атылыр.
Биреуге аманлыкъны тилеме да, кесинге ашхылыкъны тиле.
Аллахдан тилесенг, кёб тиле.
Кютгени беш эчки, сызгъыргъаны уа, джерни джарады.
Къарнынг ауруса, ауузунгу тый
Кесинг сынамагъан затны, адамгъа буюрма.
Айыбны суу бла джууалмазса.
Эл бла кёргенинг эрелей.
Тёрени джагъы джокъ.
Сёз сёзню айтдырыр.
Соргъан айыб тюлдю, билмеген айыбды.

Логин:	Регистрация

Пароль:	Забыли пароль?

Запомнить меня

Аудио

Карачаева А

Скачать

Адрес