Аудио :: Аудио:: Детские

Джети тилни билген джети кишиди.
Этни бети бла шорпасы.
Тулпарлыкъ, билекден тюл – джюрекден.
Аманны тукъумуна къарама, игини тукъумун сорма.
Къошда джокъгъа – юлюш джокъ.
Суугъа – чабакъ, къаягъа – ыргъакъ.
Мал ёлсе, сюек къалыр, адам ёлсе, иши къалыр.
Ауругъаннга – кийик саулукъ, джетген къызгъа – чилле джаулукъ.
Терек ауса, отунчу – кёб.
Баланы адам этген анады.
Мен да «сен», дейме, сен да «кесим», дейсе.
Акъыл къартда, джашда тюйюлдю – башдады.
Шекер бла туз – бир болмаз, ушамагъан – юй болмаз.
Эли джокъну – кёлю джокъ.
Къызын тута билмеген, тул этер, джашын тута билмеген, къул этер.
Кийимни бир кюнню аясанг, минг кюннге джарар.
Кёл ашады да, кеси ашады.
Эки къатын алгъанны къулагъы тынгнгаймаз.
Алгъанда – джууукъ, бергенде – джау.
Къая джолда джортма, ачыкъ сёзден къоркъма.
Хаухну атма, ёнгкючню сатма.
Бек анасы джыламаз.
Ач, тоймам, дейди, тойгъан, ач болмам, дейди.
Аман адамны тепсинге олтуртсанг, къызынгы тилер.
Акъыл сабырлыкъ берир.
Мураты болгъанны джюрек тебюую башхады.
Чомарт къонакъ юй иесин сыйлар.
Ач бёрюге мекям джокъ.
Бир онгсуз адам адет чыгъарды, деб эштирик тюлсе.
Айран тёгюлсе, джугъусу къалыр.
Джашда акъыл джокъ, къартда къарыу джокъ.
Азыкълы ат арымаз, къатыны аман джарымаз.
Керилген да, ургъан кибикди.
Къарнынг бла ёч алма.
Къолу уллу – асыу, аягъы уллу – джарсыу.
Къызгъанчдан ычхыныр, мухардан ычхынмаз.
Байлыкъ болгъан джерде, тынчлыкъ джокъду.
Билимден уллу байлыкъ джокъду.
Тешик этген тынчды, аны джамагъан къыйынды.
Джыланны къуйругъундан басарынг келсе, аны башы болгъанын унутма.
Кёзню ачылгъаны – иги, ауузну джабылгъаны – иги.
Къарнынг къанлынга кийирир.
Эртде тургъан джылкъычыны эркек аты тай табар.
Къуру гыбыт бек дыгъырдар.
Ашха уста, юйюнде болсун
Джангыз торгъай джырламаз.
Къонакъ аз олтурур, кёб сынар.
Джауумдан сора, кюн кюйдюрюр, ётюрюкден сора, айыб кюйдюрюр.
Чомарт бергенин айтмаз.
Узун джолну барсанг, бюгюн келирсе, къысха джолну барсанг, тамбла келирсе.

Логин:	Регистрация

Пароль:	Забыли пароль?

Запомнить меня

Аудио

Детские

Скачать

Адрес