Аудио :: Аудио:: Байчеккуев А

Алтыннга тот къонмаз.
Алим болгъандан эсе, адам болгъан къыйынды.
Уллу суу бла уллу ауруудан башынгы сакъла.
Къартны бурнун сюрт да, оноугъа тут.
Арпа, будай – ащды, алтын, кюмюш а – ташды.
Аман къатын алгъан, арыр, иги къатын алгъан джарыр.
Соргъан айыб тюлдю, билмеген айыбды.
Къууут – джелге, берне – бошха.
Ёлюк кебинсиз къалмаз.
Хантына кёре тузу, юйюне кёре къызы.
От кюйдюрген, сау болса да, тот кюйдюрген, сау болмаз.
Къызгъанчдан ычхыныр, мухардан ычхынмаз.
Хунаны тюбюн къазсанг, юсюнге ауар.
Билмейме деген – бир сёз
Айныгъанлы алты кюн, тогъайгъанлы тогъуз кюн.
Уллу къашыкъ эрин джыртар.
Ичимден чыкъды хата, къайры барайым сата?
Къанны къан бла джуума, аманны аман бла къуума.
Мухардан ач ычхынмаз.
Ишленмеген джаш – джюгенсиз ат, ишленмеген къыз – тузсуз хант.
Къартны сыйын кёрмеген, къартлыгъында сыйлы болмаз.
Ат басханны джер билед.
Аз сёлешген, къайгъысыз турур.
Къонагъынгы артмагъын алма да, алгъышын ал.
Намысы болмагъанны, сыйы болмаз.
Билим насыб берир, билим джолну керир.
Айраннга суу къош, телиге джол бош.
Айырылгъанланы айю ашар, бёлюннгенлени бёрю ашар.
Хаухну атма, ёнгкючню сатма.
Акъыллы – эл иеси, тели – эл баласы.
Аджал соруб келмез, келсе, къайтыб кетмез.
Аманнга да, игиге да оноусуз къатышма.
Телиге акъыл салгъандан эсе, ёлгеннге джан салырса.
Азыкълы ат арымаз, къатыны аман джарымаз.
Къазанда болса, чолпугъа чыгъар.
Бозаны арты дауур болур.
Къыйынлы джети элни къайгъысын этер.
Къуру гыбыт бек дыгъырдар.
Бастасын ашагъан, хантусун да ичер.
Сагъыш – къартлыкъгъа сюйюмчю.
Ашыкъгъанны этеги бутуна чырмалыр.
Тойгъан джерге джети къайт.
Тойгъан джерден туугъан джер игиди.
Накъырда – кертини келечиси.
Байдан умут эте, джарлыдан ёгюз багъасы къорады.
Ышармагъан – кюлмез, кюлмеген – къууанчны билмез.
Сыфатында болмагъаны, суратында болмаз.
Душманны тышы – акъ, ичи – къара.
Ашхы сёз таш тешер.
Керилген да, ургъан кибикди.

Логин:	Регистрация

Пароль:	Забыли пароль?

Запомнить меня

Аудио

Байчеккуев А

Скачать

Адрес