Аудио :: Аудио:: Байрамуков Ю

Кюн кёрмеген, кюн кёрсе, кюндюз чыракъ джандырыр.
Акъыллы – эл иеси, тели – эл баласы.
Келинин тута билмеген, къул этер, къызын тута билмеген, тул этер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тамчы таш тешер.
Ойнай билмеген, уруб къачар.
Кёлсюзден сёзсюз тууар.
Аякъларынгы джууургъанынга кёре узат.
Байны оноуу, джарлыгъа джарамаз.
Намысы джокъну – дуниясы джокъ.
Аманнга алтын чыдамаз.
Ишни ахырын ойламай, аллын башлама.
Тил – миллетни джаны.
Ёлюк кебинсиз къалмаз.
Акъдан къара болмаз.
Биреу ашаб къутулур, биреу джалаб тутулур.
Керти сёзге тёре джокъ.
Къартны бурнун сюрт да, оноугъа тут.
Биреу къой излей, биреу той излей.
Тойгъа алгъа да барма, тойда артха да къалма.
Бир онгсуз адам адет чыгъарды, деб эштирик тюлсе.
Башы джабылгъан челекге, кир тюшмез.
Ашхы – джыяр, аман – джояр.
Борчунг бар эсе, хурджунунга ойлаб узал.
Эски джаугъа ышанма.
Сыфатында болмагъаны, суратында болмаз.
Биреуге кёлтюрген таягъынг, кесинги башынга урур.
Къатыны харакетли болса, эри къымсыз болур.
Сёз къанатсыз учар.
Джангызны оту джарыкъ джанмаз!
Элиб деген, элге болушур.
Адамны адамлыгъы къыйынлыкъда айгъакъланады.
Дуния мал дунияда къалады.
Ашыкъгъанны этеги бутуна чырмалыр.
Байлыкъ болгъан джерде, тынчлыкъ джокъду.
Биреуге аманлыкъ этиб, кесинге игилик табмазса.
Иши джокъну, сыйы джокъ.
Насыб бютеу халкъны юлюшюдю.
Накъырданы арты керти болур.
Сабий болмагъан джерде, мёлек болмаз.
Ашха уста, юйюнде болсун
Тил бла келеди джыр да.
Алим болгъандан эсе, адам болгъан къыйынды.
Тюзлюк шохлукъну бегитир.
Байны къызы баймакъ болса да, юйде къалмаз!
Эм ашхы къайын ана мамукъ бла башынгы тешер.
Джаралыны джастыгъында сау ёлюр.
Адеб джокъда, намыс джокъ.
Татлы тилде – сёз ариу, чемер къолда – иш ариу.
Ариу сёз – джаннга азыкъ, аман сёз – башха къазыкъ.

Логин:	Регистрация

Пароль:	Забыли пароль?

Запомнить меня

Аудио

Байрамуков Ю

Скачать

Адрес