Аудио :: Аудио:: Байрамуков А.-А.

Мал ёлсе, сюек къалыр, адам ёлсе, иши къалыр.
Сагъышы джокъ – джукъучу, акъылы джокъ – къаугъачы.
Ойнай билмеген, оюн бузар.
Хаухну атма, ёнгкючню сатма.
Билген билмегенни юретген адетди.
Ачыкъ джюрекге джол – ачыкъ.
Бозаны арты дауур болур.
Эшекни не къадар тюйсенг да, ат болмаз.
Терслик кетер, тюзлюк джетер.
Ёлюр джаннга, ёкюл джокъ.
Таш бла ургъанны, аш бла ур.
Хар адамгъа кеси миннген тау кибик.
Тили узунну, намысы – къысха.
Билгенни къолу къарны джандырыр.
Ач бёрюге мекям джокъ.
Чомарт къолда мал къалмаз.
Чомартны къолу берекет.
Насыблы элин сюер, насыбсыз кесин сюер.
Айырылгъанланы айю ашар, бёлюннгенлени бёрю ашар.
Дуния малгъа сатылма, кесингден телиге къатылма.
Уллу атлама – абынырса, уллу къабма – къарылырса.
Джахил болса анасы, не билликди баласы?
Тойчу джашха къарама, къойчу джашха къара.
Эл ауузу – элия.
Кёлсюзден сёзсюз тууар.
Джарлыны тону джаз битер.
Къралынгы – душмандан, башынгы от бла суудан сакъла.
Ойнай-ойнай кёз чыгъар.
Келгинчи, къонакъ уялыр, келгенден сора, къонакъбай уялыр.
Бойнуму джети джерден кессенг да, мен ол ишни этеллик тюлме.
Зарда марда джокъ.
Къарнынг къанлынга кийирир.
Уллу сёлешме да, уллу къаб.
Ёмюрлюк шохлукъну джел элтмез.
Къумурсхала джыйылсала, пилни да джыгъадыла.
Тенгинг джокъ эсе – изле, бар эсе – сакъла!
Къалгъан ишге къар джауар.
Ханнга да келеди хариблик.
Тура эдим джата, къайдан чыкъды хата?
Айырылмаз джууугъунга, унутмаз сёзню айтма.
Агъач – джерни чырайы, кийим – эрни чырайы.
Аман киши кеси юйюнде – къонакъ.
Джашлыкъ этмеген, башлыкъ этмез.
Иги джашны ышаны – аз сёлешиб, кёб тынгылар.
Кюн кёрмеген, кюн кёрсе, кюндюз чыракъ джандырыр.
Ауузу бла къуш тута айланады.
Эртде тургъан джылкъычыны эркек аты тай табар.
Рысхы – насыбха къор.
Джарашыу сюйген – джалынчакъ.
Билеги кючлю, бирни джыгъар, билими кючлю, мингни джыгъар.

Логин:	Регистрация

Пароль:	Забыли пароль?

Запомнить меня

Аудио

Байрамуков А.-А.

Скачать

Адрес