Песен: 8 Создан:
06.05.2015 Обновлен:
04.09.2017
| 30 Мая | 2024 года |
Навигация
- Къайгъы тюбю – тенгиз.
- «Ёгюз, джаргъа джууукъ барма, меннге джюк боллукъса», - дегенди эшек.
- Тойгъан джерден туугъан джер игиди.
- Кеси юйюмде мен да ханма.
- Къартха ушагъан джаш – акъыллы, джашха ушагъан къарт – тели.
- Аманнга да, игиге да оноусуз къатышма.
- Къызгъанчдан ычхыныр, мухардан ычхынмаз.
- Биреуге аманлыкъны тилеме да, кесинге ашхылыкъны тиле.
- Акъыл къартда, джашда тюйюлдю – башдады.
- Сёз къанатсыз учар.
- Акъдан къара болмаз.
- Ашхы сёз таш тешер.
- Ёлюк кебинсиз къалмаз.
- Ариуну – ауруу кёб.
- Къар – келтирди, суу – элтди.
- Арбаз сайлама да, хоншу сайла.
- Халкъгъа джарагъан, джарлы къалмаз.
- Керек ташны ауурлугъу джокъ.
- Чакъырылмагъан джерге барма, чакъырылгъан джерден къалма.
- Аман хансны – урлугъу кёб.
- Илму – джашауну джолу.
- Аман адам элни бир-бирине джау этер.
- Ургъан суудан башынгы сакъла.
- Онгсузну – джакъла, тенгликни – сакъла.
- Чакъырылмай келген къонакъ сыйланмай кетер.
- Туз, гырджын аша, тюзлюк бла джаша.
- Ёнгкюч къууана барыр, джылай келир.
- Дууулдаса – бал чибин, къонса – къара чибин.
- Орну джокъну – сыйы джокъ.
- «Ма», - дегенни билмесенг, «бер», - дегенни билмезсе.
- Аман адам этегингден тутса, кес да къач.
- Мураты болгъанны джюрек тебюую башхады.
- Чёбню кёлтюрсенг, тюбюнден сёз чыгъар.
- Ариу сёз аурууунгу алыр.
- Ачыу алгъа келсе, акъыл артха къалады.
- Башланнган иш битер, къымылдагъан тиш тюшер.
- Къарт бла баш аша, джаш бла аякъ аша.
- Джашлыкъ этмеген, башлыкъ этмез.
- Азыгъы аз, алгъа къабар, аты аман, алгъа чабар.
- Чабакъгъа акъыл, табагъа тюшсе келеди.
- Билгенни къолу къарны джандырыр.
- Эри аманны, къатыны – аман.
- Джеринден айырылгъан – джети джылар, джуртундан айырылгъан – ёлгюнчю джылар.
- Ханы къызы буюгъа-буюгъа киштик болду.
- Акъыл аздырмаз, билим тоздурмаз.
- Ашлыкъны арба юйге келтирир, чана базаргъа элтир.
- Айтылгъан сёз ызына къайтмаз.
- Аджашхан тёгерек айланыр.
- Къатын байлыкъны сюер, эр саулукъну сюер.
- Аш берме да, къаш бер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
