Аудио :: Аудио:: Выпускник-2008

Ариу сёз – къылычдан джити.
Байлыкъ келсе, акъыл кетер.
Къаллай салам берсенг, аллай джууаб алырса.
Орну джокъну – сыйы джокъ.
Азыгъы аз, алгъа къабар, аты аман, алгъа чабар.
Шекер бла туз – бир болмаз, ушамагъан – юй болмаз.
Биреуню эскиси биреуге джангы болмайды.
Элни кючю – эмеген.
Аджалсыз ёлюм болмаз.
Сютден ауузу кюйген, суугъа юфгюре эди.
Адамны аманы адамны бети бла ойнар.
Огъурлуну сёзю – суу, огъурсузну сёзю – уу.
Джарлы тюеге минсе да, ит къабар.
Сёз садакъдан кючлюдю.
Ашхы – джыяр, аман – джояр.
Арба аугъандан сора, джол кёргюзтюучю кёб болур.
Эки къатын алгъан – эки ташны ортасына башын салгъан.
Ётюрюкню башын керти кесер.
Билген билмегенни юретген адетди.
Тау башында, тау болмаз, джангыз терек, бау болмаз.
Бал – татлы, балдан да бала – татлы.
Ач, тоймам, дейди, тойгъан, ач болмам, дейди.
Аман къатын сабий табса, бий болур…
Джангыз торгъай джырламаз.
Акъылсызны джууукъгъа алма, акъыллыны кенгнге салма.
Кеси юйюмде мен да ханма.
Ишлерге уял да, ашаргъа табма.
Тойчу джашха къарама, къойчу джашха къара.
Мал кёб болса, джууукъ кёб болур.
Чакъырылмагъан къонакъ – орунсуз.
Сакъ юйюне сау барыр.
Къартны сыйын кёрмеген, къартлыгъында сыйлы болмаз.
Билеги кючлю, бирни джыгъар, билими кючлю, мингни джыгъар.
Эл ауузу – элек, анга ийнаннган – халек.
Келинин тута билмеген, къул этер, къызын тута билмеген, тул этер.
Джангызны оту джарыкъ джанмаз!
Къарт болгъан джерде, берекет болур, сабий болгъан джерде, оюн болур.
Ариу сёз джыланны орнундан чыгъарыр.
Джеринден айырылгъан – джети джылар, джуртундан айырылгъан – ёлгюнчю джылар.
Мен да «сен», дейме, сен да «кесим», дейсе.
Къазанда болса, чолпугъа чыгъар.
Айыбны суу бла джууалмазса.
Тынгылагъан тынгы бузар.
Къуру гыбыт бек дыгъырдар.
Ач къарным, тынч къулагъым.
Тюзлюк шохлукъну бегитир.
Тил бла келеди джыр да.
Иги сёз – джаннга азыкъ, аман сёз башха – къазыкъ.
Чарсда алчыны эл кёреди.
Сормай – алма, чакъырылмай – барма.

Логин:	Регистрация

Пароль:	Забыли пароль?

Запомнить меня

Аудио

Выпускник-2008

Скачать

Адрес