Песен: 4 Создан:
29.01.2018 Обновлен:
29.01.2018
| 30 Мая | 2024 года |
Навигация
- Сакъ юйюне сау барыр.
- Айырылмаз джууугъунга, унутмаз сёзню айтма.
- Суугъа – таянма, джаугъа – ийнанма.
- Кеси юйюмде мен да ханма.
- Намыс болмагъан джерде, насыб болмаз.
- Аджашхан тёгерек айланыр.
- Тюзню ётмеги тюзде къалса да, тас болмаз.
- Кёл – къызбай, къол – батыр.
- Тенгни тенглиги джашай барсанг билинир.
- Дуния аламаты сен эсенг да, игиме деб айтма.
- Алгъанда – джууукъ, бергенде – джау.
- Атлыны ашхысы, ат тизгининден билинир
- Тешигини къатында, чычхан да батыр болур.
- Биреу ашаб къутулур, биреу джалаб тутулур.
- Аз сёлешген, къайгъысыз турур.
- Адебсиз адам – джюгенсиз ат.
- Джумушакъ терекни къурт ашар.
- Аман адам элни бир-бирине джау этер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джашынгы кесинг юретмесенг, джашау юретир.
- Борчунг бар эсе, хурджунунга ойлаб узал.
- Къонагъы джокъну – шоху джокъ.
- Ауругъанны сау билмез, ач къарынны токъ билмез.
- Ач – эснер, ат – кишнер.
- Ётген ёмюр – акъгъан суу.
- Ишлерге уял да, ашаргъа табма.
- Чакъырылмагъан къонакъ тёрге атламаз.
- Хата – гитчеден.
- Адам боллукъ, атламындан белгили болур.
- Тин – байлыгъынг, терен саулугъунг.
- Аурууну келиую тынч, кетиую – къыйын.
- Ёзденликни кёбю ётюрюк.
- Ауругъаннга – кийик саулукъ, джетген къызгъа – чилле джаулукъ.
- Таш бла ургъанны, аш бла ур.
- Башда акъыл болмаса, эки аякъгъа кюч джетер.
- Шекер бла туз – бир болмаз, ушамагъан – юй болмаз.
- Эки итни арасына сюек атма, эки адамны арасында сёз чыгъарма.
- Билим къая тешер.
- Аджашханны ызындагъы кёреди, джангылгъанны джанындагъы биледи.
- Аш иеси бла татлыды.
- Малны кют, джерни тюрт.
- Таукелге нюр джауар.
- Ашхылыкъ джерде джатмайды, аманлыкъ суугъа батмайды.
- Ойнай билмеген, оюн бузар.
- Тил – миллетни джаны.
- Бермеген къол, алмайды.
- Къатыны харакетли болса, эри къымсыз болур.
- Хар ишни да аллы къыйынды.
- Къоркъакъны кёзю экили кёрюр.
- Аякъларынгы джууургъанынга кёре узат.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
